| e-texts navigator |
| Wylie |
37a1 བས།། རྒྱལ་ཐབས་ཡེ་ཤེས་དབང་བསྐུར་ཡིན།། ཡེ་ཤེས་དབང་བསྐུར་ཟད་ཐལ་བསྟན།། འཁོར་བའི་མཚན་མ་རང་སར་གྲོལ།། རང་གྲོལ་ཐིག་ལེའི་རྩེ་མོར་ཆི་བ།། རྩེ་མོར་ཆིབ་པས་མཚན་མ
37a2 དངས།། ཡེ་ཤེས་ཡེ་ཤེས་ཁྱད་པར་ཆེ།། ཡེ་ཤེས་ཟང་ཐལ་རང་ལ་ཤར།། འགྱུ་བ་སྤངས་ནས་ཡེ་ཤེས་གང་།། གཟུང་འཛིན་སྤངས་ནས་གཉིས་མེད་གང་།། མ་རིག་སྤངས་ནས་རིག་པ་གང་།། དུག་ལྔ་སྤངས་ནས་ཡེ
37a3 ཤེས་གང་།། ཕུང་པོ་ལྔ་སྤངས་སྐུ་ལྔ་གང་།། སྒོ་ལྔ་སྤངས་ནས་ཟང་ཐལ་གང་།། འབྱུང་ལྔ་སྤངས་ནས་ཞིང་ཁམས་གང་།། རྟོག་བཅས་སྤངས་ནས་རྟོག་མེད་གང་།། སྤྲང་པོ་སྤངས་ནས་རྒྱལ་པོ་གང་།། སེམས་ཅན
37a4 སྤངས་ནས་སངས་རྒྱས་གང་།། དེ་རྣམས་གདམས་པས་ཟིན་པ་ན།། དབྱེར་མེད་རང་གྲོལ་ཆོས་ལས་འདས།། ཞེས་གསུངས་སོ།། དབང་རིན་པོ་ཆེ་འཁོར་ལོའི་རྒྱུད་ལས།། རྒྱལ་ཐབས་སྤྱི་བླུགས་ཀྱི་དབང་གི་ལེའུ་སྟེ།
37a5 གཉིས་པའོ།། །། དེ་ནས་བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། སྦྲུལ་སྒྲ་ཟུག་ཕྲད་དབང་བསྟན་པ།། དཔེར་ན་རལ་གྲིའི་རྒྱལ་པོ་ཁ་མང་དེ།། ལྕགས་སྣ་ལྔ་ལས་གྲུབ་པ་ཡིན།། མགར་བ་བི
37a6 ཤྭ་ཀརྨ་ལྟར།། བཟོ་སྣ་དགུ་ལས་མ་རྨོངས་པས།། ཆུ་ལ་གྲང་བ་ག་པུར་ཆུ།། མེ་ལ་ཚ་བ་ཙནྡན་མེ།། དེ་རྣམས་ཚོགས་ནས་བརྡུངས་པ་ཡིན།། རལ་གྲི་ཁ་མངས་ཆེན་པོ་དེས།། མ་བརྒྱ་བ་འོད་ཀྱིས་ཐམས་ཅད
iiif viewer powered by OpenSeadragon
