| e-texts navigator |
| Wylie |
36b1 ཏེ།། དེ་ཡི་ཚེ་དེའི་དུས་སུ་གསང་བའི་བདག་པོས་བཅོམ་ལྡན་འདས་ལ་གསོལ་པ།། ཀྱེ་བཅོམ་ལྡན་འདས་ཀུན་ཏུ་བཟང་པོ་ལགས།། བདག་ཅག་འཁོར་དང་བཅས་པ་ལ།། དབང་བསྐུར་བརྡ་དང་བཅས་པ་བསྟན་དུ
36b2 གསོལ།། ཞེས་ཞུས་པས།། ཀུན་ཏུ་བཟང་པོས་བཀའ་སྩལ་པ།། རྒྱལ་ཐབས་སྤྱི་བླུགས་དབང་དང་ནི།། སྦྲུལ་སྐུ་ཐུག་ཕྲད་དབང་དང་ནི།། རིག་པ་རྩལ་གྱི་དབང་དང་ནི།། མཚན་མ་ཟིལ་གནོན་དབང་དང
36b3 ནི།། དབུལ་མོ་གཏེར་གྱི་དབང་དང་ནི།། རྒྱལ་པོའི་བཀའ་རྟགས་དབང་དང་ནི།། བློན་པོའི་བཀའ་ཆད་དབང་དང་ནི།། བཙུན་པོ་དཔའ་མོའི་དབང་བསྟན་ཏོ།། ཞེས་གསུངས་སོ།། དབང་རིན་པོ་ཆེ་འཁོར་ལོའི་རྒྱུད
36b4 ལས།། གླེང་གཞིའི་ལེའུ་སྟེ་དང་པོའོ།། །། བཅོམ་ལྡན་འདས་ཀྱིས་བཀའ་སྩལ་པ།། རྒྱལ་ཐབས་སྤྱི་བླུགས་དབང་བསྟན་པ། སྔོན་རྒྱ་གར་ཡུལ་གྲོང་ཁྱེར་སེར་སྐྱ་ཞེས་པ་རུ།། རྒྱལ་པོའི་ཕྲུག་གུ་ལྟད་མོ་ལ
36b5 ཕྱིན་པས།། རྒྱལ་བུ་རྐང་འཁྱམས་སོ།། སྤྲང་པོ་དང་ཁྱད་མེད་དོ།། དེ་ནས་བློན་པོས་ངོ་ཤེས་སོ།། རྒྱལ་བུ་ལ་ཁྲུས་བྱས་ཏེ་དབང་བསྐུར་རོ།། དུས་དེ་ཚུན་ཆོད་དུ་མངའ་འོག་ཏུ་འདུས་སོ།། དཔེ་དེ་བཞིན་དུ།། ཐོག་མ
36b6 སངས་རྒྱས་ཀྱི་སྤྱིས་ནས།། འགྱུ་བའི་འོད་ལྔ་མཐོང་བ་ལས།། འཁོར་བའི་འཁྲུལ་པ་ལ་སོགས་སྤྱད།། འགྲོ་དྲུག་གནས་ལས་ཐར་བ་མེད།། དེ་ནས་ངོ་སྤྲད་བསྟན་པ་ཡིས།། སངས་རྒྱས་ས་ཡི་དབང་བསྐུར
iiif viewer powered by OpenSeadragon
