| e-texts navigator |
| Wylie |
36a1 ཡང་དག་བཤད་བྱ་བ།། འབྱུང་པོ་ཀུན་འདུལ་རྒྱུད་ཆེན་འདིར།། ཐམས་ཅད་མ་ལུས་འདུས་པ་ཡིན།། འདི་ནི་བྱིན་གྱིས་བརླབས་པའི་རྒྱུད་དུ་ཟུང་ཞེས་གསུངས་སོ།། སྟོན་པ་ཀུན་ཏུ་བཟང་པོ་ལ།། རྡོ
36a2 རྗེ་ཆོས་ཀྱི་བློ་གྲོས་རྗེས་སུ་ཡི་རང་ངོ་།། འབྱུང་པོ་ཀུན་འདུལ་གྱི་རྒྱུད་ཅེས་བྱ་བ་རྫོགས་སོ།། །། @#།། རྒྱ་གར་སྐད་དུ།། དེ་བ་ཏནྣ་བྷི་ཥེ་ཀ་ཏ་རཏྣ་ཙཀྲ་ནཱ་མ།། བོད་སྐད་དུ།། ལྷ་རྒྱུད
36a3 དབང་རིན་པོ་ཆེའི་འཁོར་ལོ་ཞེས་བྱ་བ།། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། ཆོས་ཀྱི་དབྱིངས་གདལ་བ་ཆེན་པོའི་ཕོ་བྲང་ན།། རྒྱ་ཡོངས
36a4 སུ་མ་ཆད་པའི་ཞིང་ཁམས།། གསེར་གྱི་འོད་ཟེར་རབ་ཏུ་འཕྲོ་བ་ཞེས་བྱ་བ།། བཻ་ཌཱུརྱ་ཞུན་མས་རང་ནན་དུ་བྱས་པའི་ས་གཞི།། མ་འདྲེས་པ་ཡོངས་སུ་རྫོགས་པའི་གནས་ཆེན་པོ།། གསེར་ལ་རིན་པོ་ཆེས་སྤྲས་པའི
36a5 གནས་དེ་ན་བཅོམ་ལྡན་འདས་ཀུན་ཏུ་བཟང་པོ་བཞུགས་ཏེ།། འཁོར་ཉིད་ལས་མི་གཞན་པའི་འཁོར།། ཡེ་ཤེས་རྣམ་པ་ལྔ་ལ་སོགས་ཏེ་རྒྱལ་སྲས་སྤྲུལ་པའི་འཁོར།། རྡོ་རྗེ་སེམས་དཔའ་དང་།། དབང་མེད་དད་པས
36a6 འདུས་པའི་འཁོར་མཁའ་འགྲོ་མ་རྡོ་རྗེ་དྲག་མོ་ཁྲོ་གཉེར་གདོང་ཞེས་བྱ་བ་དང་།། སྒྲོལ་མ་དང་འོད་ཟེར་ཅན་དང་།། ཕག་གདོང་ཅེ་སྤྱང་ལ་སོགས་ཏེ།། དུར་ཁྲོད་ཀྱི་བདག་མོ་གློག་གི་ཕྲེང་བ་ལ་སོགས་པས་བསྐོར
iiif viewer powered by OpenSeadragon
