| e-texts navigator |
| Wylie |
33a1 བསྟན་པ་ཡིན།། འབྲས་བུ་རིགས་གསུམ་འགྲུབ་པ་ནི།། མཐར་ཕྱིན་ལམ་དུ་བསྟན་པ་ཡིན།། བདག་དང་དམ་ཚིག་སེམས་དཔའ་གཉིས།། དེ་ཡི་ལམ་ལས་མི་འདའོ།། སྤུན་དང་གྲོགས་པོའི་སྒོ་ནས
33a2 བསྒྲུབ།། ཚོགས་ཀྱི་ལམ་དུ་བསྟན་པ་ཡིན།། སྐུ་མདོག་ཕྱག་མཚན་གསལ་བ་ནི།། སྦྱོར་བའི་ལམ་དུ་བསྟན་པ་ཡིན།། དེ་ཉིད་ལས་སུ་རུང་གྱུར་པ།། མཐོང་བའི་ལམ་དུ་བཤད་པ་ཡིན།། དེ་ཡི་ལམ་ལས་མི་འདའ
33a3 བ།། བསྒོམ་པའི་ལམ་ཞེས་བཤད་པ་ཡིན།། སྐུ་ལྔ་མངོན་དུ་གྱུར་པ་ནི།། མཐར་ཕྱིན་ལམ་ཞེས་བཤད་པ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། མཚན་ཉིད་ཀྱི་ལམ་དང་གསང་སྔགས་ཕྱི་རྒྱུད
33a4 ལམ་ལྔ་བསྟན་པའི་ལེའུ་སྟེ་ཉེར་བརྒྱད་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། རྒྱུད་ལུང་མན་ངག་སྙན་རྒྱུད་ཀྱི།། དེ་ཡི་ལམ་ལྔ་བཤད་པར་བྱ།། ཏིང་འཛིན་རྣམ་གསུམ་དམ
33a5 ཚིག་བརྒྱད།། འཕགས་པ་སྤྱན་དྲངས་ལ་སོགས་པ།། ཚོགས་ཀྱི་ལམ་དུ་བཤད་པ་ཡིན།། གོམས་ཤིང་བརྟན་པར་བྱེད་པ་ནི།། སྦྱོར་བའི་ལམ་དུ་བཤད་པ་ཡིན།། བརྟན་ནས་རིགས་ལྔ་ཡབ་ཡུམ་གསལ།། མཐོང་བའི
33a6 ལམ་དུ་བཤད་པ་ཡིན།། ཏིང་འཛིན་རྣམ་གསུམ་མ་ཐོབ་པར་དུ་བསྒོམ།། བསྒོམ་པའི་ལམ་དུ་བསྟན་པ་ཡིན།། ལོངས་སྐུ་ཞེ་གཉིས་སངས་རྒྱས་པ།། མཐར་ཕྱིན་ལམ་དུ་བསྟན་པ་ཡིན།། ཕུང་པོ་ཁམས་རྣམས་ལྷ་རུ
iiif viewer powered by OpenSeadragon
