| e-texts navigator |
| Wylie |
32b1 བློ་གྲོས་ཉོན།། ཐེག་པ་སྤྱི་དང་རང་གི་མཚན་ཉིད་ཀྱི།། ལམ་དུ་འཇུག་ཕྱིར་ལམ་ལྔ་བཤད།། ཚོགས་དང་སྦྱོར་དང་མཐོང་བ་དང་།། བསྒོམ་པ་དང་ནི་མཐར་ཕྱིན་ལྔ།། ཉན་ཐོས་ཚོགས་ལམ་འདི་ལྟ་སྟེ།། ཉིས་བརྒྱ་ལྔ
32b2 བཅུ་ཚོགས་ཀྱི་ལམ།། བདེན་པ་བཞི་ནི་མཐོང་བའོ།། ཤེས་པ་བཞི་ནི་སྦྱོར་བའི་ལམ།། འཕགས་པའི་ལམ་བརྒྱད་བསྒོམ་པའི་ལམ།། དགྲ་བཅོམ་འབྲས་བུར་གྱུར་པ་མཐར་ཕྱིན་ལམ།། ཚད་མེད་བཞི་དང་ཕ་རོལ
32b3 ཕྱིན་པ་དྲུག། སྡོམ་པ་ཉི་ཤུ་རྩ་བ་གསུམ།། དེས་སྡོམ་བྱང་ཆུབ་སེམས་དཔའ་ཡི།། ཚོགས་ཀྱི་ལམ་དུ་བཤད་པ་ཡིན།། བཟོད་པ་འཇིག་རྟེན་ཆོས་ཀྱི་མཆོག། སྦྱིན་དང་ཚུལ་ཁྲིམས་ཕ་རོལ་ཕྱིན་པ་བཅུ།། སྦྱོར་བའི་ལམ
32b4 དུ་བཤད་པ་ཡིན།། ཆོས་རྣམས་ནམ་མཁའ་ལྟ་བུ་ནི།། མཐོང་བའི་ལམ་དུ་བསྟན་པ་ཡིན།། དངོས་པོ་མཚན་མ་མི་དམིགས་པས།། བསྒོམ་པའི་ལམ་དུ་བསྟན་པ་ཡིན།། འབྲས་བུ་རྫོགས་པས་སངས་རྒྱས་པ།། མཐར
32b5 ཕྱིན་ལམ་དུ་བསྟན་པ་ཡིན།། གསང་སྔགས་ཕྱི་བའི་ལམ་དུ་བསྟན་པ་ནི།། དག་པ་རྣམ་གསུམ་གཟའ་དང་རྒྱུ་སྐར་བརྩི།། བརྟུལ་ཞུགས་དཀྱིལ་འཁོར་སྦྱོར་བ་ཙམ།། ཚོགས་ཀྱི་ལམ་དུ་བསྟན་པ་ཡིན།། དེ་ཉིད་རྗེ་དང
32b6 འབངས་ཀྱི་ཚུལ།། འཕྲོ་འདུ་ཏིང་འཛིན་བྱེད་པ་ནི།། སྦྱོར་བའི་ལམ་དུ་བསྟན་པ་ཡིན།། ཏིང་འཛིན་ལས་སུ་གྱུར་པ་ནི།། མཐོང་བའི་ལམ་དུ་བསྟན་པ་ཡིན།། ཏིང་འཛིན་རྒྱུན་མ་ཆད་པ་ནི།། བསྒོམ་པའི་ལམ་དུ
iiif viewer powered by OpenSeadragon
