| e-texts navigator |
| Wylie |
32a1 གཉིས་དང་།། ཉི་ཚེ་བ་དང་ཉེ་འཁོར་བ།། རྡོ་རྗེ་དམྱལ་བའི་སྣང་བ་རྣམས།། རྣམ་སྨིན་ལས་ཀྱི་འབྲས་བུ་ཡིན།། ཡི་དྭགས་ཡིད་ལུས་རྣམ་པ་བཞི།། ཕྱི་དང་ནང་དང་གཉིས་ཀ་དང་།། སྒོ་ཁྱུད་ཡིད་ལུས
32a2 རྣམ་བཞི་ཡིན།། གནས་དང་རྒྱུ་བ་རྣམ་སྨིན་གསུམ།། དེ་ནི་ལས་དང་འབྲས་བུའོ།། ལྷ་ཡང་གཟུགས་མེད་གྲུབ་པ་ནི།། བསམ་གཏན་དག་ལས་གྲུབ་པ་ཡིན།། འདོད་ཁམས་རིས་དྲུག་ལྷ་དང་ནི།། མི་རྣམས་ཤ་ཁྲག
32a3 ལུས་གྲུབ་པ།། དགེ་བའི་ལས་ཀྱི་འབྲས་བུ་ཡིན།། ཕ་རོལ་ཕྱིན་དྲུག་ཁྱད་འཕགས་པས།། དེ་ཡི་འབྲས་བུ་སོ་སོར་སྨིན།། བྱོལ་སོང་ཤ་ཁྲག་ལུས་སུ་གྲུབ་པ་ནི།། གཏི་མུག་ལུང་མ་བསྟན་གྱི་འབྲས་བུ་ཡིན།། ཕལ
32a4 ཆེར་ལས་ཀྱི་འབྲས་བུར་སྣང་།། རྐྱེན་འགྱུར་གནས་སྐབས་མ་ངེས་པ་ཡང་ཡོད།། གཞི་ནས་རང་དབང་མེད་པར་འབྱུང་བ་ཡོད།། རྒྱུ་ཉིད་རྡོ་རྗེ་རྐྱེན་དང་འདྲ་སྟེ་ར་གཞོབ་ལྟར།། ཡང་དག་དོན་ལ་ལས་ཀྱང
32a5 མེད།། རྣམ་པར་སྨིན་པའི་འབྲས་བུ་མེད།། མ་རྟོགས་པ་ལ་ལས་ཡོད་ལས་ཀྱི་འབྲས་བུ་ཡོད།། བདེན་པའི་བྱིན་གྱི་རླབས་ཀྱིས་མེ་ཡི་ཕུང་པོ་ཞི།། རང་གྲོལ་རིག་པ་འདི་ལ་བལྟ་ནུས་ན།། ཡང་དག་དོན་ཉིད་མཐོང
32a6 བར་ངེས་པ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ཐུགས་རྗེའི་འབྱུང་ལུགས་དང་ལུས་གསུམ་བསྟན་པའི་ལེའུ་སྟེ་ཉེར་བདུན་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི
iiif viewer powered by OpenSeadragon
