| e-texts navigator |
| Wylie |
31b1 ལུས།། རྣམ་གྲོལ་ཞི་བ་ཞི་བ་ཉིད།། ལེགས་པར་མྱ་ངན་འདས་དང་ཉེ།། བདེ་སྡུག་གཉིས་ཀ་རྣམ་པར་སེལ།། གྲོལ་བ་ཐར་པ་རྣམ་གྲོལ་མཆོག། རྣམ་པར་གྲོལ་བ་མཁས་པའི་མཆོག། མཆོག་གི་འབྲས་བུ་བསྟན་པ
31b2 ཡིན།། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། འཆི་རྩིས་དང་ངོ་སྤྲོད་ད་ལྟ་བར་དོར་རོ་སྙོམས་ངོ་སྤྲོད་ཀྱི་ལེའུ་སྟེ་ཉེར་དྲུག་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས
31b3 ཉོན།། དེ་ལས་ཐུགས་རྗེ་སྤྲུལ་པ་ནི།། ཕྱི་ནང་གསང་བ་གསུམ་དུ་འབྱུང་།། ཐམས་ཅད་མཁྱེན་པའི་སྤྱན་ལྡན་པས།། ལས་དང་འཕྲོ་དང་མཐུད་པ་དང་།། འབྲུ་ཤག་ལས་ཀྱི་འཁོར་ལོ་འདིས།། གོ་སྐབས་མ་ལུས
31b4 འདིས་འབྱེད་འགྱུར།། ལས་འཕྲོ་ངེས་པའི་གནད་མེད་ན།། ཐམས་ཅད་རྟག་ཆད་གོལ་བར་ཆུད།། ཀྱེ་རྒྱལ་བའི་སྲས་པོ་ལུས་ཞེས་བྱ།། འོད་ལུས་ཡིད་ལུས་ཤ་ཁྲག་ལུས།། འོད་ཟེར་ཕུང་པོ་འོད་དཔག
31b5 མེད།། མཐར་ཟུག་རྡོ་རྗེ་སེམས་དཔའ་ཡིན།། བདེ་བ་གཉིས་ལ་རྟོགས་པའོ།། མཚན་དང་དཔེ་བྱད་རབ་ཏུ་མཛེས།། ས་བཅུའི་བྱང་ཆུབ་སེམས་དཔའ་རྣམས།། འོད་ཟེར་འདོམ་གང་འོད་དུ་འཕྲོ།། ལྷ་ལུས་འོད
31b6 གསལ་མདའ་གང་དང་།། འདྲེ་ནི་རང་གནོད་རང་འོད་ངེས་པ་མེད།། བསམ་གཏན་ཏིང་འཛིན་ཁྱད་པར་ཡིན།། ཡིད་ལུས་རྣམ་སྨིན་འབྲས་བུ་དང་།། ལས་ཀྱི་རིམ་པ་བསམ་གཏན་ལས།། དམྱལ་བ་ཚ་གྲང་གཉིས
iiif viewer powered by OpenSeadragon
