| e-texts navigator |
| Wylie |
319a1 ཡིན།། ཉིད་ལ་ཉིད་སྤྱོད་ཉིད་དབང་བསྒྱུར།། རིག་པའི་རྒྱལ་པོ་སྨྲ་བསམ་འདས།། གང་གིས་སུ་ལའང་བསྟན་དུ་མེད།། བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད་འཕྲོ་བའི་རྒྱུད་ལས། སྤྱོད་ལམ
319a2 བསྟན་པའི་ལེའུ་སྟེ་བཅུ་པའོ།། །། ཀྱེ་སེམས་དཔའ་ཆེན་པོ།། རང་བྱུང་ཡེ་ཤེས་བྱང་ཆུབ་སེམས།། བདག་ཉིད་ཆེན་པོ་ཆོས་སྐུ་ཉིད།། སྒྲོ་སྐུར་གཉིས་ཞི་མཉམ་ཉིད་དོན།། དུས་ཀུན་རྟག་ཆེན་རྡོ་རྗེའི་སྐུ།། རང
319a3 བཞིན་དེ་ཉིད་བརྟག་མི་ནུས།། ཡེ་ཤེས་རྒྱུན་དུ་གང་ལ་རུང་།། ཚིག་ཏུ་རྟག་རྒྱུན་གང་བརྗོད་ཀྱང་།། རིག་པའི་རྒྱལ་པོ་ང་ཉིད་ལ།། འཕོ་འགྱུར་རྟག་མི་རྟག་དང་བྲལ།། ཐུན་མོང་ཡེ་ཤེས་སྐྱེ་འགག་ཅན།། དོན
319a4 བྱེད་ནུས་པ་མ་ཡིན་ཕྱིར།། བླང་དོར་མེད་ན་དོན་གྱིས་བྲལ།། འགག་དང་མ་འོངས་ད་ལྟར་ཉིད།། བརྟག་པར་མི་ནུས་དེ་ལྟའི་ཕྱིར།། ངོ་བོ་ཡེ་རྟག་བརྗོད་འདས་པས།། སུས་ཀྱང་བརྟག་པར་རུང་མ་ཡིན།། འདས
319a5 དང་མ་འོངས་ད་ལྟར་དང་།། འབྱུང་བར་མ་ངེས་དུས་གཅིག་ལ།། སྐད་ཅིག་མ་འདྲེས་གསལ་མཁྱེན་པ།། རྟག་ཕྱིར་མཁྱེན་པར་བརྗོད་པ་ཡིན།། དེ་ལྟར་མེད་ཀྱང་འཛིན་རྟོག་བྲལ།། དེ་ཉིད་དུས་གསུམ་ཡེ་གནས
319a6 ལ།། མུན་ཁང་སྦྲུལ་དང་འཁྲུལ་མི་ལྟར།། ཐོག་མེད་དུས་ནས་གནས་གྱུར་ཀྱང་།། མ་སྤངས་དག་པས་སངས་རྒྱས་པ།། བྱར་མེད་དོན་མཛད་ཕྲིན་ལས་མཆོག། བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད་འཕྲོ་བའི
iiif viewer powered by OpenSeadragon
