| e-texts navigator |
| Wylie |
318b1 བཙལ་ལྷུན་གྲུབ་ཡེ་ནས་གནས།། འདི་ནི་ཚེགས་མེད་དོན་པོ་ཆེ།། དོན་ཉིད་ཅི་ཡང་མ་ཡིན་པས།། ཤེས་པ་གང་ལའང་བསམ་དུ་མེད།། བསམ་མེད་བསམ་གྱིས་མི་ཁྱབ་པར།། དེ་ལྟར་བསམ་པ་བསམ་ཆེན
318b2 ཡིན།། ཀ་ལ་པིང་ཀ་ཇི་ལྟ་བུར།། བཙལ་མེད་བསམ་པ་ཀུན་གྲུབ་ཕྱིར།། མ་བཙལ་ལྷུན་གནས་དོན་གྱི་མཆོག། བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད་འཕྲོ་བའི་རྒྱུད་ལས།། མཉམ་པར་བཞག་པའི་ལེའུ་སྟེ་དགུ
318b3 པའོ།། །། ཀྱེ་སེམས་དཔའ་ཆེན་པོ་མེད་པ་དང་ནི་ཕྱལ་པ་དང་།། གཅིག་པུ་དང་ནི་ལྷུན་གྱིས་རྫོགས།། བདག་ལ་འདུས་དང་རིས་མེད་དང་།། བདག་སྣང་བདག་ཏུ་ལྷུན་གྲུབ་པས།། བཙལ་མེད་ཡེ
318b4 བསྲུངས་དམ་ཚིག་མཆོག། ཡེ་ནས་བསྲུངས་པས་བསྲུང་དུ་མེད།། མ་བསྲུངས་ཐུབ་པས་དམ་ཚིག་མཆོག། ཐམས་ཅད་བདག་ཉིད་ཆེན་པོ་པས།། གཞན་ལ་བཙལ་བ་ཅི་ཡང་མེད།། རྟོག་མེད་བསམ་མེད་གང་མི
318b5 འགོག། དེ་ལྟར་སྤྱོད་ལམ་སྤང་ལེན་བྲལ།། མཉམ་ཉིད་ངང་ལས་མི་འདའ་བར།། རྫོགས་ཆེན་དམ་ཚིག་གཅིག་པུར་བཤད།། བྱ་བསམ་མེད་པས་དོན་གྲུབ་ལ།། ལྷུན་གྱིས་གྲུབ་པའི་དམ་ཚིག་ཡིན།། བཀླག་དང
318b6 མཉན་བསམ་བསྒོམ་པ་དང་།། མཆོད་དང་དབྱངས་ལེན་སྤྲིན་གཏོང་བ།། མ་ཆགས་རྫོགས་ཆེན་སྟོབས་མེད་ན།། བྱས་ན་ཐམས་ཅད་འཆིང་བའི་རྒྱུ།། གང་ཡང་དང་དུ་མ་བླངས་ན།། སྤྱོད་པ་བཅོས་མེད་ཆེན་པོ
iiif viewer powered by OpenSeadragon
