| e-texts navigator |
| Wylie |
318a1 དང་གློག། སྐར་དང་ཉི་ཟླ་མ་འདྲེས་གསལ།། མཁའ་གསལ་ངོ་བོར་ཡེ་ནས་གཅིག། རྣལ་འབྱོར་སེམས་ཀྱི་མཁའ་ཀློང་ལ།། རྐྱེན་མེད་སྣང་ཡང་བླང་དོར་མེད།། ཐེག་པའི་བྱེ་བྲག་མ་ལུས་པ།། མ
318a2 འདྲེས་ཡོངས་རྫོགས་སྤང་བླང་བྲལ།། བསལ་མེད་མི་རྟོག་ཀུན་མཁྱེན་པ།། ངོ་བོ་ཉིད་ནི་དམིགས་སུ་མེད།། བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད་འཕྲོ་བའི་རྒྱུད་ལས། གེགས་བསལ་བ་ཞེས་བྱ་བའི་ལེའུ་སྟེ
318a3 བརྒྱད་པའོ།། །། དེ་ནས་དེ་བཞིན་གཤེགས་པ་ཉིད།། མི་གསུང་མཉམ་གཞག་ཆེན་པོ་ཡི།། ཏིང་ངེ་འཛིན་ལ་སྙོམས་པར་ཞུགས།། རྡོ་རྗེ་སེམས་དཔས་བཅོམ་ལྡན་འདས།། མི་གསུང་བཞག་པ་དོན་གང
318a4 ཞིག། བདག་ལ་ཇི་ལྟར་བཀའ་སྩལ་མཛོད།། ཀྱེ་སེམས་དཔའ་ཆེན་པོ།། ཀུན་སྣང་དུས་གཅིག་དགོངས་པས་མཁྱེན།། གང་ལ་ཅི་ཡང་མ་སྤྲོས་ཏེ།། སྙིང་པོའི་དོན་ལས་གཡོ་བ་མེད།། གསུང་མེད་དོན་འདི་མི་ཤེས
318a5 པར།། གང་ཞིག་ཐམས་ཅད་མཉམ་རྟོག་པ།། དེ་ནི་ལོང་བའི་ཚོགས་ཡིན་ཞེས།། བཅོམ་ལྡན་དེ་བཞིན་གཤེགས་པས་གསུངས།། གང་ཡང་མ་འདྲེས་མ་བཀག་གསལ།། བསྡུས་པས་སྙིང་པོ་བྱང་ཆུབ་ཉིད།། དེ་ཉིད
318a6 རྟོག་མེད་བླང་དོར་བྲལ།། ཀུན་ཁྱབ་ཡེ་བརྡལ་མ་ལུས་གཞི།། མིང་ཚིག་བརྡ་ཡིས་མཚོན་དུ་མེད།། མཚོན་མེད་ཡེ་ཤེས་སྐུ་ཡི་མཆོག། ཡི་གེ་མེད་གསལ་གོ་བའི་གསུང་།། རྟོག་མེད་འོད་གསལ་ཐུགས་ཀྱི་མཆོག། མ
iiif viewer powered by OpenSeadragon
