| e-texts navigator |
| Wylie |
317b1 བསྔལ་འཁྲུལ་འཁོར་ཀུན།། བྱང་ཆུབ་སེམས་ཉིད་ཡིན་ཞེས་བཤད།། བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད་འཕྲོ་བའི་རྒྱུད་ལས།། བྱང་ཆུབ་སེམས་ཀྱི་རང་བཞིན་གང་ཡིན་བསྟན་པའི་ལེའུ་སྟེ་བདུན
317b2 པའོ།། །། དེ་ནས་བཅོམ་ལྡན་དགྱེས་པ་ཆེས།། འཁོར་ལ་ཚིག་ཏུ་བཀའ་སྩལ་པ།། ཀྱེ་སེམས་དཔའ་ཆེན་པོ།། གང་ཞིག་མཉམ་ཉིད་རྟོགས་པ་ལ།། སྐྱོན་དང་ཡོན་ཏན་གཉིས་ཀས་བསྒྲིབ།། བདེ་ཆགས
317b3 སྡུག་བསྔལ་སྤང་འདོད་པ།། དམུས་ལོང་མཁའ་ལ་མདུད་འདོར་འདྲ།། དོན་ཉིད་མ་བཅོས་མཉམ་པའི་དོན།། མ་འདྲེས་གསལ་བར་མ་རྟོགས་ན།། སྟོང་གསུམ་རྒྱལ་བའི་སྐུས་བཀང་ཡང་།། ཕན་མེད་མ་བཀང
317b4 གནོད་མི་འགྱུར།། བྱང་ཆུབ་ཉོན་མོངས་གཉིས་མེད་དེ།། ཀུན་གཞི་ཡངས་པའི་ངང་དུ་གཅིག། དེ་ཕྱིར་བླང་དང་དོར་མེད་དེ།། དེ་ཉིད་མ་གྲུབ་རང་སྣང་ཕྱིར།། བྱིང་དང་རྒོད་དང་རེ་དོགས་དང་།། གསལ་དང་མི
317b5 གསལ་འབྱུང་འཇུག་ཀློང་།། མྱོང་དང་རྟོགས་དང་འགོགས་འཆོས་དང་།། མཚན་མ་བྱུང་ཚོར་མཐའ་ཡས་པ།། ཡེ་ནས་བསལ་མེད་ངང་གིས་ཞི།། བརྟག་མེད་ཡེ་ནས་ཆོས་སྐུ་ཉིད།། མ་སྤངས་རོལ་པས་བདག་ཉིད
317b6 རྒྱན།། བདག་ཉིད་མ་མཐོང་དམུས་ལོང་ཉིད།། མི་རྙེད་དོན་ལ་བླང་དོར་མེད།། སྐྱོན་ཉིད་མཉམ་པར་དོན་རྟོགས་ན།། ཀུན་ཏུ་བཟང་ཞེས་དེ་ལ་བྱ།། ཇི་ལྟར་མཁའ་གསལ་སྟོང་ཉིད་ལ།། སྤྲིན་དང་ཁུ་རླངས་འཇའ
iiif viewer powered by OpenSeadragon
