| e-texts navigator |
| Wylie |
317a1 ཡང་།། བྱང་ཆུབ་སེམས་ཉིད་ཡིན་པར་བཤད།། ཕྱི་དང་ནང་དང་ཕྱོགས་དང་རིས།། འཁོར་བ་མྱ་ངན་འདས་པ་དང་།། རྒྱུ་དང་འབྲས་བུར་སྣང་བ་དང་།། སངས་རྒྱས་སེམས་ཅན་ཕོ་མོ་དང་། ཁ་དོག
317a2 དབྱིངས་དང་གནས་དང་རིགས།། རྒྱུད་དང་མ་ནིང་མཚན་ཉིད་དང་།། མཚན་མར་ཅི་སྣང་ཅི་འདུག་པ།། དེ་ཉིད་བྱང་ཆུབ་སེམས་ཉིད་དེ།། གཞན་ནས་འོངས་དང་བཙལ་བ་མེད།། དེ་རྣམས་ཡིན་པའི་ངོ་བོ་ལ།། དེ
317a3 རྣམས་རིལ་དུ་མ་ངེས་པས།། དུ་མ་ཡིན་པར་མ་གསུངས་སོ།། ཐམས་ཅད་མ་འགགས་པར་སྣང་བས།། གཅིག་ཀྱང་ཡིན་པར་མ་བཤད་དེ།། གཅིག་དང་དུ་མ་ལས་གྲོལ་བ།། མཚན་ཉིད་གང་དུ་མ་ངེས་པ།། དེ་ཉིད
317a4 བྱང་ཆུབ་ཆོས་ཀྱི་སྐུ།། ཐམས་ཅད་ངོ་བོ་ལྷུན་གྱིས་གྲུབ།། བཙལ་བ་མེད་པར་ཡེ་སངས་རྒྱས།། ཕྱིན་པ་མེད་པར་ཀུན་ལ་སོན།། སྡུད་པ་མེད་པར་ཐམས་ཅད་འདུས།། མ་སྤངས་སྒྲིབ་པ་ཀུན་དང་བྲལ།། འཁོར་དང
317a5 མྱ་ངན་འདས་པ་དང་།། སངས་རྒྱས་སེམས་ཅན་འགྲོ་བ་དྲུག། བྱང་ཆུབ་ལམ་དུ་སྣང་བ་ཡང་།། དེ་ལས་དེ་བྱུང་འབུམ་ཕྲག་ཡས།། མཚོན་པའི་ངོ་བོ་ཀུན་འདུག་ཀྱང་།། མཚོན་དུ་མེད་དེ་དེ་ཉིད་ཡིན།། ཡིན་ཞེས་བྱ་བ
317a6 མཚོན་པ་ཙམ།། མཚོན་ཞེས་ཚིག་ཏུ་བརྗོད་པ་ཡང་།། མཚོན་བྱ་མཚོན་བྱེད་མེད་པས་ན།། མཚོན་པ་མེད་པའི་ཚུལ་གྱིས་མཚོན།། དེ་ཉིད་མཚོན་པ་ཆེན་པོ་ཡིན།། དེ་ཡིན་དེ་དོན་རིག་ཤེས་ན།། འཁོར་དང་སྡུག
iiif viewer powered by OpenSeadragon
