| e-texts navigator |
| Wylie |
316a1 འགྱེད་པ་མ་ཡིན་དེ་ཉིད་ཡིན།། སྤྲོས་མེད་བསྡུ་མེད་ཡི་གེ་མེད།། རྩིས་ལས་འདས་པས་ལྷུན་གྲུབ་སྐུ།། དེར་གཞོལ་དེར་ནི་མཆོད་པའི་སྤྲིན།། ཀློང་དུ་གནས་པའི་སྒྲུབ་ཐབས་སོ།། ངང་གིས་མི་ལྡོག
316a2 དངོས་གྲུབ་པས།། དོན་དུ་ཕྱག་རྒྱ་རྫོགས་པ་ཡིན།། འདི་ཡི་དོན་རྟོགས་སྐྱེས་བུ་ནི།། བཀུར་བ་མེད་ཅིང་བཟླས་བརྗོད་མེད།། མཆོད་པ་མེད་ཅིང་བསྒོམ་པ་མེད།། བསྲུང་བ་མེད་ཅིང་རྟོག་པ་མེད།། སྤང་མེད་བླང
316a3 མེད་བྱང་ཆུབ་སེམས།། ཆེད་དུ་བྱ་མེད་ཐམས་ཅད་རྫོགས།། འདི་ནི་རང་བྱུང་རྒྱལ་པོ་ཡིན།། སངས་རྒྱས་ཀུན་གྱི་བདག་ཉིད་ཡིན།། འབྲས་བུ་ཀུན་གྱི་བཅུད་བསྡུས་ཡིན།། རང་བཞིན་གསལ་བས་མུན་པ་མེད།། དེ
316a4 ལྟར་སྣང་བ་མ་ལུས་ཀུན།། འདི་ལས་བྱུང་ཞིང་འདི་ལ་འདུས།། སྐྱོན་དང་ཡོན་ཏན་གཉིས་མེད་དེ།། བླང་མེད་དོར་མེད་འཕོ་འགྱུར་མེད།། བྱས་པ་མེད་པར་ཐམས་ཅད་འགྲུབ།། ཕྱིན་པ་མེད་པར་ཐམས་ཅད
316a5 སོན།། བསྟན་པ་མེད་པར་ཀུན་ལ་གོ། འདི་ནི་སེམས་ཀྱི་ཡོན་ཏན་ཞེས།། བཅོམ་ལྡན་ཀུན་ཏུ་བཟང་པོས་གསུངས།། བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད་འཕྲོ་བའི་རྒྱུད་ལས།། སེམས་ཀྱི་ཡོན་ཏན་བསྟན
316a6 པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་སེམས་དཔས།། ཀྱེ་བཅོམ་ལྡན་འདས་འདི་ཉམས་སུ་བླང་བའི་ཐབས་བཤད་དུ་གསོལ།། སྟོན་པས་བཀའ་སྩལ་པ།། ཀྱེ་སེམས་དཔའ་ཆེན་པོ་ཉམས་སུ་བླང་དུ་མེད
iiif viewer powered by OpenSeadragon
