| e-texts navigator |
| Wylie |
315b1 དོན་དུ་གཅིག། འདི་ནི་རང་རིག་བྱང་ཆུབ་སེམས།། འདི་ཞེས་བསྟན་དུ་མེད་པའོ།། ཅི་ཡང་མེད་ལས་ཅིར་ཡང་སྣང་།། རང་བྱུང་སྙིང་པོ་མཆོག་གི་དོན།། སྣང་བ་ཉིད་ན་སྣང་མེད་པས།། སྣང་བ་མེད་པའི་ཚུལ་གྱིས
315b2 སྣང་།། མེད་ཅེས་བྱ་བ་འཛིན་པ་ཙམ།། དེ་ཉིད་ལ་ཡང་གནས་མི་བྱ།། གལ་ཏེ་གནས་ན་གོལ་ས་ཡིན།། གང་ཞིག་གོལ་ཏེ་ཅི་ཞིག་གོལ།། གང་དུ་གོལ་ཏེ་ཇི་ལྟར་གོལ།། གོལ་བར་སྣང་བ་དེ་ཉིད་ཡིན།། དེ་ཉིད
315b3 དངོས་པོ་མེད་པས་ན།། དེ་ཕྱིར་དེ་ལ་གནས་མི་བྱ།། གལ་ཏེ་གནས་ན་འཛིན་པ་ཡིན།། ཞེས་གསུངས་པས་རྡོ་རྗེ་སེམས་དཔའ་དེ་ཉིད་ལ་གནས་པར་གྱུར་ཏོ།། བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད་འཕྲོ་བའི
315b4 རྒྱུད་ལས། སེམས་ཀྱི་ངོ་བོ་བསྟན་པའི་ལེའུ་སྟེ་བཞི་པའོ།། །། ཀྱེ་སེམས་དཔའ་ཆེན་པོ་སེམས་ཀྱི་ཡོན་ཏན་ངས་བཤད་ཀྱིས།། སེམས་དཔའ་ཁྱོད་ཀྱིས་མཉན་པར་བྱོས།། སེམས་ཀྱི་ཡོན་ཏན་ཆེན་པོ
315b5 ནི།། སྟོང་གསུམ་རྡུལ་སྙེད་སངས་རྒྱས་ཀྱིས།། བསྐལ་པ་བྱེ་བར་བརྗོད་བྱས་ཀྱང་།། དེ་ལ་བརྗོད་པར་མི་ནུས་ཏེ།། དེ་ནི་མ་བསྒྲིབས་ཀུན་ཏུ་གསལ།། དེ་ནི་ཀུན་གྱི་སྙིང་པོ་ཉིད།། སྡུག་བསྔལ་བྱེ་བས་གདུངས་པས
315b6 ཀྱང་།། དེ་ལ་གཡོས་པ་རྡུལ་ཙམ་མེད།། བདེ་དང་སྡུག་བསྔལ་ཐམས་ཅད་ཀུན།། དེ་ཡི་ལོངས་སྤྱོད་ཆེན་པོ་སྟེ།། དེ་ཡི་དུས་ན་དེར་མི་འཛིན།། ཅི་ཡང་མི་དམིགས་ཆོས་ཀྱི་སྐུ།། ཆོ་འཕྲུལ་རང་བཞིན་དེ་ལ་འགྱེད།།
iiif viewer powered by OpenSeadragon
