| e-texts navigator |
| Wylie |
314b1 ཡིན་ཏེ་དེ་ཉིད་ཡིན།། ཡིན་ཞེས་བྱ་བ་མཚོན་པ་ཙམ།། ཡང་དག་ཉིད་ལ་ཡིན་པ་མེད།། ཀུན་ཡིན་གང་ཡང་མིན་པའི་ཕྱིར།། ངས་ཀྱང་ཡང་དག་རིག་པ་བཞིན།། སྐལ་ལྡན་རྣམས་ཀྱིས་ཤེས་པར་བྱའོ།། རྡོ་རྗེ་སེམས
314b2 དཔའ་གཞན་ཡང་ནི།། ཉོན་མོངས་པ་ཉིད་བྱང་ཆུབ་ལམ།། ཕྱིན་ཅི་ལོག་ཉིད་བྱང་ཆུབ་སྟེ།། ཡང་དག་པ་ཉིད་ཕྱིན་ཅི་ལོག། ཐམས་ཅད་སེམས་ཀྱིས་བྱས་པ་ཡིན།། སེམས་ཉིད་རང་ལ་ཡོད་པས་ན།། རང་བྱུང་ཡེ
314b3 ཤེས་རང་ལ་ཡོད།། གལ་ཏེ་རང་ལ་མེད་ན་ནི།། དེ་ནི་རང་བྱུང་ཡེ་ཤེས་མིན།། གཞན་ལ་བཙལ་ཞིང་བསྒྲུབ་དགོས་པས།། རྒྱུ་རྐྱེན་གཉིས་ལ་རག་ལུས་པས།། དེ་ལ་རང་བྱུང་ཡེ་ཤེས་མེད།། རྒྱུ་དང་རྐྱེན་ལ་རག་མ
314b4 ལུས།། རང་གསལ་ཉག་གཅིག་དྲི་མ་མེད།། རྒྱུ་རྐྱེན་མ་བསྐྱེད་རང་བྱུང་སྟེ།། མ་བསྒྲིབས་གསལ་བས་ཡེ་ཤེས་སོ།། གདོད་ནས་སྙིང་པོ་བྱང་ཆུབ་ལ།། བཙལ་བའི་བསམ་པས་དབྱིངས་མི་བསྐྱོད།། འདིར་བསྟན་དེ་ལ
314b5 བརྟེན་ནས་ནི།། སྣུམ་པའི་ཐབས་ཀྱིས་བརྐྱང་པའི་ཕྱིར།། འཚམས་པར་མཛད་པའི་སྐྱེས་བུ་ལ།། རིག་པའི་དོན་འདི་བསྟན་པར་བྱ།། གལ་ཏེ་དོན་འདི་མ་ཤེས་ཤིང་།། བྱང་ཆུབ་སེམས་ཀྱི་ཆུ་མེད་ན།། རྒྱལ་བ་རྣམས
314b6 ཀྱང་སྐྱེས་པར་འགྱུར།། གལ་ཏེ་གཞན་ལ་རྩོལ་བ་ནི།། འོ་མ་འདོད་པའི་བཙུན་མོ་ཞིག། རཱ་ལ་འཇོ་བའི་བཙུན་མོ་དེས།། རཱ་ལས་འོ་མ་རྙེད་མི་འགྱུར།། འདི་ལས་ཀུན་བྱུང་འདི་ལ་སོན།། འདི་ལས་མ་བྱུང
iiif viewer powered by OpenSeadragon
