| e-texts navigator |
| Wylie |
314a1 མེད།། དྲུག་གི་ཡུལ་བཞིན་མེད་པས་ན།། སོ་སོ་སྐྱེ་བོའི་བློས་མ་རེག། བྱང་ཆུབ་གང་ཡིན་སེམས་ནི་གང་།། ཀུན་གཞི་རང་བྱུང་ཡེ་ཤེས་ལ།། ངང་གིས་སྤྲོས་མེད་ཆེན་པོ་ལ།། ཆེ་བའི་ཡོན་ཏན
314a2 བཙལ་དུ་མེད།། དེ་ཉིད་སེམས་ཡིན་བྱང་ཆུབ་སེམས།། ཇི་ལྟར་མེ་ཡི་རྩེ་མོ་ཡིས།། རྫས་ཀྱི་དངོས་པོ་ཀུན་བསྲེགས་ཀྱང་།། རང་གི་དངོས་པོ་བསྲེག་མི་ནུས།། དེ་བཞིན་བྱང་ཆུབ་སེམས་ཀྱིས་ཀྱང་།། ཀུན་ཤེས་རང
314a3 རིག་མ་ཤེས་ཏེ།། གལ་ཏེ་ཤེས་ན་ཤེས་པའོ།། འདི་ལ་རྩོལ་བསྒྲུབ་བྱར་ཡང་མེད།། དག་དང་མ་དག་གཉིས་མེད་དེ།། རང་བྱུང་དག་པ་ཆེན་པོ་ལ།། མེད་ཅེས་བྱ་བ་བཏགས་པ་ཉིད།། བཏགས་པ་ཉིད་ལ་མི་གནས
314a4 ན།། བྱང་ཆུབ་སེམས་ལམ་གནས་པ་ཡིན།། གནས་པ་ཉིད་ན་གནས་མེད་པས།། གནས་ཞེས་ཐ་སྙད་མི་གདགས་སོ།། དུས་གསུམ་སངས་རྒྱས་སེམས་ལས་བྱུང་།། སེམས་ལ་ཐ་སྙད་ཡོད་ཅེའམ།། སེམས་ལས
314a5 ཀུན་འབྱུང་ཐམས་ཅད་སེམས།། སེམས་ནི་སྐྱེ་མེད་དེ་བཞིན་ཉིད།། རང་གསལ་ཐམས་ཅད་ས་ལེ་མཁྱེན།། མཁྱེན་པ་ཉིད་ཀྱང་སེམས་ཡིན་པར།། སེམས་དཔའ་ཆེན་པོ་རིག་པར་གྱིས།། བྱང་ཆུབ་སེམས་རྗེ་བཙན
314a6 དམ་པ་རྡོ་རྗེ་འོད་འཕྲོ་བའི་རྒྱུད་ལས།། ཐམས་ཅད་སེམས་སུ་བསྟན་པའི་ལེའུ་སྟེ་གཉིས་པའོ།། །། ཀྱེ་སེམས་དཔའ་ཆེན་པོ། སེམས་ལས་འཁོར་བ་ཐམས་ཅད་བྱུང་།། མྱ་ངན་འདས་པ་དེ་བཞིན་ཏེ།། བྱུང་བ
iiif viewer powered by OpenSeadragon
