| e-texts navigator |
| Wylie |
313b1 ཆད་པས་ཅི་ཞིག་གཅད།། གང་ལས་ཉམས་ཏེ་ཅི་ཞིག་ཉམས།། གང་དུ་ཉམས་ཏེ་ཇི་ལྟར་ཉམས།། ཉམས་པར་སེམས་པ་དེ་ཉིད་ཡིན།། ལྟུང་བར་འཛིན་པ་དེ་ཉིད་ཡིན།། སེམས་ཉིད་དག་པའི་ཆུས་བཀྲུས་ན།། དག
313b2 པར་མ་གྱུར་གང་ཡང་མེད།། སྟོང་ཉིད་དབེན་པའི་དོན་རྟོགས་ན།། བདེ་དང་སྡུག་བསྔལ་མིང་ཡང་མེད།། བདེ་དང་སྡུག་བསྔལ་སྡུག་མི་སྡུག། བདག་དང་བདག་མེད་སྟོང་མི་སྟོང་།། དེ་བཞིན་ཉིད་དུ་འཛིན་པ
313b3 ཡང་།། དེ་ཉིད་ཡིན་པས་དངོས་པོ་མེད།། དེ་ལ་ཐ་སྙད་ཅི་བཏགས་ཀྱང་།། ཐོག་ཏུ་ཕེབས་པར་ག་ལ་འགྱུར།། མ་བཅོས་རང་བཞག་རིག་པས་མཚོན།། ཇི་ལྟར་ནམ་མཁའ་ཞིག་གྱུར་ན།། དེ་ཚེ་ཆད་པ་འབྱུང་བར
313b4 འགྱུར།། ཆོས་ཉིད་མཐོང་བར་གྱུར་པ་ཡང་།། ཇི་ལྟར་རང་གི་མཛུབ་རྩེ་ལ།། རང་གིས་རིག་པའི་དུས་བྱུང་ན།། དེ་ཚེ་ཆོས་ཉིད་མཐོང་བར་འགྱུར།། ཞེས་གསུངས་སོ།། བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད
313b5 འཕྲོ་བའི་རྒྱུད་ལས།། ཉམས་པ་ཆད་པ་མི་འབྱུང་བའི་ལེའུ་སྟེ་དང་པོའོ།། །། ཀྱེ་སེམས་དཔའ་ཆེན་པོ།། ཉམས་པ་ཞེས་ནི་གང་ལ་བྱ།། ཆད་པ་ཞེས་ནི་ཅི་ལ་བྱ།། ཉམས་དང་ཆད་པར་འཛིན་པ་ཡང་།། དེ
313b6 ཉིད་ཡིན་ཏེ་དེ་མི་འབྱུང་།། འབྲས་བུ་བསྒྲུབ་དང་གྲུབ་པ་རུ།། འདོད་པ་དེས་ཀྱང་མི་རྙེད་དེ།། མདོངས་པས་ནམ་མཁར་བསྙེག་པ་བཞིན།། བྱང་ཆུབ་སེམས་ཀྱི་རང་བཞིན་འདི།། བརྟག་དཀའ་བརྗོད་དུ་རྡུལ་ཙམ
iiif viewer powered by OpenSeadragon
