| e-texts navigator |
| Wylie |
310b1 མེད།། དངོས་འདི་བྱང་ཆུབ་སེམས་རྒྱ་ཆེན།། རང་བྱུང་ཆེ་བའི་སྙིང་པོ་ལས།། དུས་གསུམ་ཀུན་ཏུ་ཇི་བཞིན་གནས།། རབ་ཏུ་རྟོགས་པའི་དཀྱིལ་འཁོར་རྒྱས།། རྣལ་འབྱོར་དེ་ཡི་ཆོས་འདོད་པས།། དེ་བཅས་ཚུལ་ནི
310b2 ཉམས་པར་བྱེད།། དགའ་བའི་རྣམ་གྲངས་སོ་སོའི་དཔེ།། དགོངས་པར་བཅས་པ་གཏན་ལ་འབེབས།། འདི་ཉིད་ཐེག་མཆོག་གསང་བའི་རྒྱུད།། དུས་གསུམ་སངས་རྒྱས་ཀུན་གྱི་བཀའ།། ངོ་མཚར་ཕྱག་རྒྱ་འདའ
310b3 དཀའ་བས།། ངེས་དོན་གསང་མཆོག་གཟུང་བར་གྱིས།། ཞེས་རྒྱ་ཆེར་བསྟན་ཏོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་ཀུན་ལ་འཇུག་པ་རྣམ་དག་སྟོན་པའི་རྒྱུད་ལས།། སངས་རྒྱས་ཀུན་གྱི་སྙིང་པོ་ཕྱག
310b4 རྒྱའི་ལེའུ་སྟེ་བཞི་པའོ།། །། དེ་ནས་ཐམས་ཅད་འདུས་པའི་ཚོགས།། སངས་རྒྱས་ཀུན་གྱིས་དབང་བསྐུར་བས།། ཕྱོགས་འདུད་པ་ཡི་དགའ་བདེ་ཡིས།། རང་གི་སྟོན་པ་མཉེས་པར་མཛད།། ཨེ་མ་བདེ
310b5 གཤེགས་སངས་རྒྱས་ཀུན།། རང་བཞིན་དངོས་རྣམས་མ་གྲུབ་པས།། སངས་རྒྱས་དཀྱིལ་འཁོར་རྣམ་པར་འཕྲུལ།། དེ་ཡི་མཚན་མ་ཡ་མཚན་ཆེ།། དོན་ཀུན་རབ་ཏུ་སྒྲུབ་པ་ཡི།། གསང་བའི་སྤྱོད་པ་ཇི་ལྟར་སྤྱད།། དེ
310b6 བཞིན་གཤེགས་པ་དགྱེས་ཆེན་པོ།། ཀུན་ཏུ་སྤྱན་རས་དབང་ཕྱུག་གིས།། ཀུན་བཟང་ཡུམ་དང་འཁྲིལ་སྦྱོར་ཞིང་།། བྱང་ཆུབ་སེམས་ཀྱི་སྤྱོད་པས་རོལ།། ཐབས་དང་ཤེས་རབ་ཁྱད་པར་གསང་བའི་མཆོག། རང་གི
iiif viewer powered by OpenSeadragon
