| e-texts navigator |
| Wylie |
310a1 པས།། འབྲས་བུ་མི་མཐུན་ལ་སྤྱོད་བྱེད།། རྒྱུ་ལ་འཇུག་པ་འདི་དག་གང་།། སེམས་ཀྱི་གནས་ལ་སྒྲིབ་པའོ།། མངོན་སུམ་ཐོབ་པར་འདོད་པ་རྣམས།། དེ་རྒྱུ་སྔོན་དུ་གཉེར་བར་བྱེད།། བསྒོམ་ཆགས
310a2 རང་གི་ཡུལ་ཞེན་པས།། ཐབས་བཅས་རྩོལ་བའི་རྩོལ་བས་འཇུག། བདེ་བས་ཉམས་པའི་ཆོས་བསྒྲུབས་ཀྱང་།། བདེ་བ་ཆེ་ལས་རྣམ་པར་ཉམས།། བདེ་བ་ཀུན་གྱི་གཉེར་གནས་པའི།། ཨཱ་ལི་ཀཱ་ལི་འབྲེལ་བའི
310a3 གཟུངས།། གཉིས་མེད་ཡེ་ཤེས་ཐུགས་གསང་བ།། མ་གོས་སྤྱོད་པའི་ཡུལ་གྱིས་མིན།། རྫོགས་པའི་ཆོས་ཉིད་གཤེགས་པའི་ཆོས།། སྣ་ཚོགས་ངོ་བོ་མཐར་ཕྱིན་པས།། བྱ་བཙལ་བསྔོ་བའི་རྒྱུ་རྣམས་ཀྱང་།། ཀུན་ཏུ
310a4 ཁྱབ་པའི་ཆོས་སྐུ་ཉིད།། དེ་ཡི་མཛད་ཚོགས་སྐུ་རྣམས་ལས།། སོ་སོའི་རྣམ་བཅས་ཐ་དད་པས།། བྱ་བ་ཐམས་ཅད་རབ་ཏུ་རྫོགས།། འདི་ལ་བསྣན་པར་བྱ་བ་དང་།། གཞག་ཅིང་དབྲི་བའི་ཆོས་མེད་དེ།། ཕྱི་ནང་ཡུལ
310a5 བལྟས་བྱས་ན།། སེམས་ཉིད་ཟག་མེད་ཡེ་ཤེས་ཆེ།། དེ་བཞིན་མཐའ་ལས་དེ་དག་འཇུག། སེམས་དཔའ་ཆེན་པོའི་འབྲས་བུའི་གཞི། ཐབས་ཀྱིས་ཉམས་སུ་མྱོང་བའི་དུས།། ནང་གི་བདེ་བ་ཕྱི་ཡི་ཆོས།། དེ་བཞིན
310a6 དེ་ཡི་གནས་སུ་གཞི།། དེ་ལས་ཕྱག་རྒྱའི་བདེ་བ་འབྱུང་།། ཆོས་ཀྱི་རོལ་པའི་ཡུལ་ཚོགས་ཀུན།། ཉམས་ཀྱིས་དེ་ཡི་སྟོབས་མཚུངས་ཏེ།། ནོར་བས་འཁྲུལ་པའི་བློ་བསྐྱེད་ཀྱང་།། རང་བཞིན་ཡེ་ཤེས་ཉམས་པ
iiif viewer powered by OpenSeadragon
