| e-texts navigator |
| Wylie |
30b1 བཤད།། ཁ་དོག་ཆུ་རླུང་དཀར་ལ་ཟླུམ།། མེ་རླུང་དམར་པོ་གྲུ་གསུམ་མོ།། ས་རླུང་སེར་པོ་གྲུ་བཞི་ཡིན།། རླུང་གི་རླུང་ནི་ཟླ་གམ་ལྡང་།། མཁའ་རླུང་སྣ་ཚོགས་མཐིང་གའོ།། གྱེན་དུ་རྒྱུ་བ་སྣ་བུག་དང་།། ཐུར་དུ་སེལ
30b2 བ་གསང་བའོ།། ཟུར་སེལ་རྩིག་མ་འབྱིན་པར་བྱེད།། གྱེན་དུ་རྒྱུ་བས་ལུས་སྟོབས་བསྐྱེད།། ཆུ་ཡི་རླུང་ནི་སོར་བརྒྱད་རྒྱུ།། ས་ཡི་རླུང་ནི་སོར་བཞི་སྟེ།། མེ་ཡི་རླུང་ནི་སོར་བཅུ་གཉིས།། ནམ་མཁའ་རླུང་ནི་ཚད་བཟུང
30b3 མེད།། དེ་ཡིས་འཆི་བར་འཕེན་པ་ཡིན།། གནས་པའི་ས་དང་འབྱུང་བ་སྦྱར།། རླུང་ལ་དྲོད་ཡོད་གནས་སུ་འདུས།། དེ་དུས་རྩ་རྣམས་ཁྲག་བྲོས་པས།། ཁ་སྣ་སྐམ་ལ་སྒོ་བདུན་དུ།། མེ་བདུན་བསྐལ་པ་འབྱུང་བར
30b4 འགྱུར།། ཆུ་དང་རྡུལ་རྣམས་གཅིག་ཏུ་འདུས།། ཆུ་ཡི་བསྐལ་པ་འབྱུང་བར་འགྱུར།། སྣ་བུག་གཉིས་སུ་དབུགས་མེད་པས།། མཇུག་ཏུ་རླུང་གིས་འཇིགས་པ་ཡིན།། མཐིལ་བཞིར་དྲོད་དང་འདེགས་བསྐྱོད་མེད།། གླིང
30b5 ཆེན་བཞི་པོ་འཇིག་པ་ཡིན།། འཁོར་བ་བརྒྱད་ཀྱི་གཡོག་མ་ནུས།། གླིང་གཡོག་འཇིག་པ་དེ་ལྟར་ཡིན།། ཚོགས་བདུན་རྣམ་ཤེས་མི་རྒྱུ་བས།། རིན་ཆེན་སྣ་བདུན་འཇིག་པ་ཡིན།། ལུས་ཀྱི་ང་རྒྱལ་དང་བྲལ་བས།། རི
30b6 རབ་འཇིག་པ་དེ་ལྟར་ཡིན།། སྒྲ་རྣམས་གྱེན་དུ་ལོག་པ་ཡིས།། མཁའ་འགྲོ་འབྲོས་པ་དེ་ལྟར་ཡིན།། མིག་གཉིས་ཁོང་དུ་ནུབ་པ་ཡིས།། ཉི་ཟླ་ནུབ་པ་དེ་ལྟར་ཡིན།། གཞུང་པ་སྲོག་པའི་རྩ་མེད་པ།། དགུ་ཚིགས་ནམ
iiif viewer powered by OpenSeadragon
