| e-texts navigator |
| Wylie |
30a1 ཆེ།། འབྲས་བུ་ཙམ་དུ་སྒྲ་མཐུན་སྟེ།། ལུང་དུ་བསྟན་དང་ལུང་མ་བསྟན།། དེ་ཡི་འབྲས་བུ་ཁྱད་པར་ཆེ།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ངོ་སྤྲོད་བསྡུས་ཏེ་བསྟན་པ་སྐུ་གསུམ་ངོ
30a2 སྤྲོསྤྱོད་ཀྱི་ལེའུ་སྟེ་ཉེར་ལྔ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། ངོ་སྤྲོད་གཏན་ནས་གནས་པ་དང་།། དེ་ཡི་ངོ་སྤྲོད་མ་བྱས་པ།། འཆི་བ་ཞེས་བྱ་ཀུན་ལ་འབྱུང་།། ལུས་དང་འཕོ།
30a3 བ་ཞེས་བྱ་བ།། དེ་ཡི་མདོར་བསྡུས་བཤད་པར་བྱ།། འཆི་བ་རྣམ་པ་བཞི་དག་ལས།། རྒས་ནས་ཐུག་ནས་འཆི་བ་དང་།། འདུས་པའི་ནད་ཀྱིས་འཆི་བ་དང་།། བར་ཆད་གདོན་གྱིས་འཆི་བ་དང་།། ལས་ཀྱི་རྣམ་པར
30a4 སྨིན་པས་འཆི།། རླུང་ཡང་ལྔ་བཅུ་རྩ་ལྔ་ཡིན།། བརྟག་པ་ཡིན་པར་ཤེས་པར་བྱ།། དེ་ལ་རླུང་གི་མཚན་ཉིད་ཀྱང་།། ངོ་བོ་དབྱེ་བ་ངེས་ཚིག་དང་།། ཁ་དོག་དང་ནི་གནས་པ་དང་།། རྒྱུ་བའི་དུས་ཚོད་བསྟན་པའོ།། ངོ
30a5 བོ་གཡོ་ཞིང་མི་འགག་པ།། ངེས་པའི་ཚིག་ནི་འདེགས་བསྐྱོད་དོ།། དབྱེ་བ་རྒྱུ་དང་འཇུག་གནས་སོ།། དེ་ནི་དངོས་པོའི་རླུང་དུ་ཤེས།། གཞི་ཡི་རླུང་དང་འབྲས་བུའི་རླུང་།། དེང་འདིར་འཆི་རྩིས་འབྲས་བུར
30a6 བཤད།། རྒྱུ་བ་ལ་ཡང་རྣམ་པ་གསུམ།། གྱེན་རྒྱུ་ཟུར་སེལ་ཟད་ཀར་རྒྱུ། ཁྱབ་པར་གནས་པའི་རླུང་དང་ལྔ།། ཐུགས་རྗེ་བཀྲག་དང་དྲོད་འབེབས་དང་།། ཐུར་དུ་སེལ་བྱེད་གཡོ་བའི་རླུང་།། རྩ་བའི་རླུང་ལྔ་ཞེས་སུ
iiif viewer powered by OpenSeadragon
