| e-texts navigator |
| Wylie |
307b1 དགའ་བ་ལ་སོགས་འབྲས།། སྦྱིན་སོགས་སྟོབས་ཀྱིས་བགྲོད་པའི་མཐུས།། རང་གི་ཡེ་ཤེས་གནས་ཀུན་དག། ཕ་རོལ་ཕྱིན་སོགས་ས་བརྙེས་པའོ།། ཐབས་མཁས་ཤེས་རབ་རྣམ་པར་སྦྱངས།། རྒྱ་ཆེན་ཟབ་མོ་སྔགས
307b2 ཀྱི་ལམ།། བྱང་ཆུབ་སེམས་དཔའི་དཀྱིལ་འཁོར་ཚོགས།། སངས་རྒྱས་འཁོར་བཅས་ཀུན་གྱི་མཛོད།། རྟོག་པའི་ཆོས་རྣམས་སྣང་བྱེད་པའོ།། མྱ་ངན་འདས་པར་ཀུན་རྫོགས་ཆོས།། ཐབས་འདིར་རང་བྱུང་གནས་སྟོན
307b3 ཅིང་།། མི་ཤེས་ཐེ་ཚོམ་ཀུན་ཏུ་སྤྱོད།། བཤེས་གཉེན་ཆེན་པོའི་གདམས་ངག་ལས།། དོན་ཀུན་འབྲས་བུ་སྐྱེ་བར་འགྱུར།། གང་ལས་མ་བསྟན་ཆོས་རྣམས་འབྲས།། ཡེ་ཤེས་དབྱིངས་ཀྱི་སངས་རྒྱས་ཚོགས།། འདི་དག
307b4 ཡོན་ཏན་ཀུན་འབྱུང་གནས།། ཐམས་ཅད་གྲུབ་པའི་གསང་བ་ཉིད།། རྒྱུད་ཆེན་སྙིང་པོའི་དོན་གསལ་བྱེད།། ཐབས་འདི་རྫོགས་པའི་སངས་རྒྱས་ཀྱིས།། ཐམས་ཅད་ཡུལ་ཕྱིར་མ་འདྲེས་བསྟན།། གང་འདི་སངས་རྒྱས
307b5 གང་ལས་བྱུང་།། སྣང་བ་ཕྱོགས་ཀུན་གང་གི་དོན།། ཆ་མེད་ཡུལ་ཚོགས་ཆ་བྲལ་བས།། ཕྱི་ནང་དཀྱིལ་འཁོར་བཀོད་པ་བཞིན།། འདི་ལྟར་ཕུང་པོ་འབྱུང་བཅས་པ།། དེ་ལས་དེ་སྣང་རྒྱུན་འབྲེལ་བ།། ཐབས་ཀྱི་རྩེ
307b6 མོ་ཀུན་སྤགས་པས།། མཐའ་དག་ཟག་པ་མེད་པའི་ཡུལ།། འགྱུར་བ་མེད་པས་ཕྱོགས་ཆོས་ཀུན།། རང་སྣང་དཔེ་རྣམས་སྣ་ཚོགས་བྱོས།། ནང་གི་ཡུལ་ཅན་ཕྱི་རོལ་རྒྱུན།། དེ་མཐའ་གང་དུའང་མ་འགགས
iiif viewer powered by OpenSeadragon
