| e-texts navigator |
| Wylie |
307a1 གནས།། རང་བཞིན་ཡེ་ཤེས་ཆེ་ལས་ཉམས།། བློ་རྒྱུད་རྣམ་པར་ཉམས་པས་འཁྲུལ།། ཕྱི་རོལ་ལས་ནང་ནང་ལས་ཕྱི།། ཐེག་པའི་མཆོག་གིས་གྲོལ་འདོད་པས།། དེས་ན་ཉེས་པས་ཀུན་ཏུ
307a2 འཆིང་།། འདི་དག་སྟོང་དང་མི་སྟོང་ཞེས།། རྟག་ཆད་བདེ་སྡུག་མཚན་མས་ཆགས།། མི་མཐུན་རྣམ་པར་རྟོག་པའི་ཡུལ།། ཇི་བཞིན་ཆོས་ཀུན་ངོ་བོར་འཛིན།། དེས་ལ་དེ་ཡི་ཡུལ་བཅས་རྟོག། ཐབས་རྣམས་འཁྲུལ
307a3 པའི་མཐར་འཛིན་པས།། ཡུལ་མེད་དངོས་ཀུན་སྣ་ཚོགས་འཇུག། བྱ་བ་དག་ལས་ཚུལ་འདི་སྐྱེ།། མཐོ་རིས་བྱམས་པའི་གནས་བགྲོད་ཅིང་།། དེ་རྒྱུ་ཐར་པའི་ཆོས་འཇུག་པས།། མ་རིག་གནས་སུ་འདི་རྒྱུད
307a4 ཆོས།། བདག་དང་བཅས་པའི་གནས་ཀུན་འཇིག། འཇིག་རྟེན་ལས་འདས་མི་མཐུན་སྟོབས།། འཁྲུལ་ཚོགས་སྡུག་བསྔལ་སྐྱེ་བའི་རྒྱུན།། རྒྱུ་འབྲས་གཉིས་ཚོགས་མཐར་འཛིན་དམིགས།། ལམ་མེད་ཕྱོགས་ཀྱི་གནས
307a5 བགྲོད་པས།། ལམ་པའི་ཉེས་ཚོགས་ནད་ཆེན་རྣམས།། དུས་གསུམ་སྒྲིབ་པའི་འཁྲུལ་རྟོག་རྐྱེན།། འཇིག་རྟེན་མཚན་ཉིད་ཤེས་དཀའ་བས།། དགོས་དོན་གསལ་བ་ཀུན་གྱི་ཡུལ།། རང་གི་མཐར་འཛིན་དམན་པའི
307a6 ཤུགས།། དམ་བཅས་འཇིག་རྟེན་སྒྲོལ་བ་སྟོབས།། དེ་མེད་དེ་ཡི་རྒྱུ་འབྲས་ཐོབ།། མཐའ་བཞིར་སྤྱོད་པའི་ཚུལ་འབྲས་ཤིང་།། མ་གོས་བྱུང་ཚོར་བསྟན་པའི་སྒོ།། མཐའ་དབུས་ཕྱོགས་སུ་ལྟོས་པའི་ཡུལ།། རབ་ཏུ
iiif viewer powered by OpenSeadragon
