| e-texts navigator |
| Wylie |
306a1 གཞན་རྒྱུད་རྣམ་པར་བསྡུས།། རང་བྱུང་ཡེ་ཤེས་ཇི་ལྟ་བར།། དངོས་ཀུན་གསལ་བའི་དོན་སྟོན་པའོ།། འདས་པའི་མཐའ་རྣམས་སྤྱོད་པའི་ཡུལ།། དེ་དག་དངོས་ཀུན་མ་འོངས་དུས།། ད་ལྟའི་ཚིག
306a2 ཚོགས་མཐའ་ལས་འདས།། རང་གི་ངོ་བོ་ཀུན་འཇོག་བྱེད།། འདི་དག་ཡེ་ནས་མ་བཅོས་པའི།། འབྲས་བུའི་དངོས་ཀུན་གཞན་དུ་འགྱུར།། དེ་དག་བློ་ཡི་སྣང་བས་ཏེ།། རིགས་ཀུན་ངོ་བོ་མ་འགགས་པ།། དོན་ཀུན
306a3 ཕྱག་རྒྱའི་ཆ་ལུགས་སྐུ།། མི་ཤིགས་རྡོ་རྗེ་ལྟ་བུའི་དངོས།། ཐབས་དང་ཤེས་རབ་རོལ་པའི་གནས།། སྤྱོད་བཅས་རྣམ་པ་སྣ་ཚོགས་གཞི།། བྱང་ཆུབ་འཁོར་བ་མྱ་ངན་འདས།། ཐབས་ཀྱི་གར་ཚོགས་ཡུལ་ཀུན
306a4 ཉིད།། བདེ་བའི་ཆ་ལུགས་མ་རྨོངས་པ།། རིགས་ཚོགས་གསང་བའི་ལྷ་ཉིད་དོ།། ཁམས་གསུམ་དངོས་གྲུབ་ལྷག་པའི་གནས།། རང་བྱུང་ས་ཡི་རྟགས་ལས་སྐྱེས།། དོན་ཀུན་ཕྱག་རྒྱའི་དཀྱིལ་འཁོར་ཚོགས།། སེམས
306a5 དཔའ་རང་རིག་ཀུན་ནས་འཇུག། ཇི་ལྟར་དོན་ཀུན་རང་བཞིན་བཅས།། ཕྱི་ནང་ཆོས་ཀུན་རྣམ་པར་དག། མེད་པས་ཕྱོགས་སུ་དམིགས་པའི་ཡུལ།། ཐམས་ཅད་སྟོང་པའི་མཐའ་རྣམས་སྐྱེས།། མེད་པའི་སྙིང་པོ
306a6 གསང་བའི་གཞི།། ཐ་དད་དོན་མིན་དེར་འཇུག་པའི།། དཔེ་འདིས་ཟབ་མོ་སྡེར་བཅས་པས།། དཔེ་ཡི་ཐ་སྙད་གང་དུ་འཇུག། དེ་དག་རྟག་ཆད་སྟོང་པའི་ཡུལ།། སྒྲོ་སྐུར་མིང་ལས་མཐའ་རྣམས་གནས།། མ་འདྲེས
iiif viewer powered by OpenSeadragon
