| e-texts navigator |
| Wylie |
305a1 ལ་ཐུག་པ་མེད་པས་དབྱིངས་ལ་ཟད་པ་མེད།། ཆོས་ཀྱི་རོལ་པས་ཉམས་འཕགས་ལྷག་པའི་གནས་མེད་དོ།། རང་བྱུང་ཡེ་ཤེས་ཆེ་བའི་ཡུལ་ཀུན་ཇི་བཞིན་གནས།། གསང་བའི་ཡུལ་ཀུན་དེ་ལས་དེ
305a2 རྒྱུད་འབྲེལ་བའི་དོན།། ལྷག་པའི་དོན་འདི་ཐབས་དང་ཤེས་རབ་གཉིས་མེད་དང་།། གང་ལས་དེ་བཞིན་གཤེགས་པའི་ཕྱག་རྒྱ་གཟུང་བྱེད་པའོ།། མཛད་པ་དྲན་པའི་རྟགས་ཀུན་ཞི་བ་ཉིད་དུ་སྦྱོར།། འདིར་འཇུག
305a3 གསལ་བའི་ཡུལ་ཉིད་མཐའ་བྲལ་རྟག་ཏུ་བདེ།། སེམས་དཔའ་ཆེ་མཆོག་དཔལ་མཛོད་དོན་ལྡན་པས།། ཐུག་པའི་འབྲས་བུ་གསང་སྔགས་རྒྱུད་འདིར་འགགས་པའི་ཆོས།། དེ་དག་མ་སྐྱེས་ཡེ་ནས་བྱ་དང་བྱེད་པའི
305a4 རྩེ།། འདི་ཞེས་གསུང་རྫོགས་བརྗོད་པས་དགེ་བའི་ཚོགས་འཕེལ་ཞིང་།། མི་མཐུན་གནས་ཀུན་འགྲིབ་པའི་བག་ཆགས་དངོས་མེད་པའོ།། དོན་མཐུན་སྣང་ཞིང་གསང་སྔགས་བདེ་གཤེགས་ཀུན་གྱི་ཚུལ།། ངེས་པའི
305a5 བློ་གྲོས་དུས་ཀུན་གནས་པར་ཐམས་ཅད་འཇུག། ཅེས་གསུངས་སོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་ཀུན་ལ་འཇུག་པ་རྣམ་དག་སྟོན་པའི་རྒྱུད་ལས།། ངེས་པར་བསྟན་པའི་ཚུལ་གྱིས་བསྡུས་པའི
305a6 ལེའུ་སྟེ་གསུམ་པའོ།། །། དེ་ནས་ཐམས་ཅད་མཁྱེན་པའི་མཆོག། ངོ་མཚར་འཇིག་རྟེན་རྨད་བྱུང་བའི།། དོན་ཀུན་གསང་བའི་རྒྱུད་ཆེན་པོ།། ཐབས་ཀྱི་རྣམ་པར་སྤྱོད་པའི་གཞི།། གང་ལ་ཡུལ་འདི་མཐར་ཕྱིན
iiif viewer powered by OpenSeadragon
