| e-texts navigator |
| Wylie |
304b1 རྒྱུན་བྲལ་ཐབས་ཀུན་དཀྱིལ་འཁོར་ཆེ།། མིང་བསམ་ཡུལ་མེད་བདུད་ཚོགས་གཞོམ་མེད་དངོས་གྲུབ་ཚོགས།། དཀྱིལ་འཁོར་ཆུ་ཟླ་ཐེག་ཚོགས་ཀུན་འབྱུང་རྒྱུ་རྐྱེན་བྲལ།། རབ་ཏུ་སྦྱོར་བས་དོན་འདིར་བདེ་བའི་ཡེ
304b2 ཤེས་གཞི།། ཐམས་ཅད་མ་ངེས་ཕྱག་རྒྱས་མཐར་འཛིན་འཇིགས་པ་སེལ།། བྱ་བྲལ་ཡུལ་ལ་མི་གནས་གཉེན་པོས་བཅོས་སུ་མེད།། ཡན་ལག་ཆོས་ཀྱི་དབང་གིས་སྙིང་པོའི་ཡུལ་ཚོལ་ཞིང་།། རྣམ་པ་ཅིར་ཡང་མི
304b3 རྟོག་ཐབས་ཀྱིས་དེ་ལ་རོལ།། སྙིང་པོའི་རང་བཞིན་འབྱུང་བ་གཞན་ན་མེད།། རྡུལ་ཕྲན་གཅིག་ལས་བསྲེས་ཤིང་ཕྱོགས་བཅུ་ཀུན་དང་བྲལ།། མི་གནས་དོན་ཉིད་ལེགས་པའི་ཡེ་ཤེས་རང་བྱུང་སྟེ།། མངོན་སུམ་ཀུན
304b4 ཏུ་མི་རྟོག་ཡངས་པའི་སྙིང་པོ་ལ།། རྣམ་དག་ལམ་འདིར་ཞུགས་པས་མཉམ་པའི་རྒྱལ་པོ་འཐོབ།། མི་འགྱུར་འགྱུར་བ་མེད་པས་ཆགས་པའི་གནས་མེད་དེ།། དེ་བཞིན་གཟུང་བའི་ཡུལ་མེད་འཛིན་པའི་གནས་ཀྱང
304b5 མེད།། ཡང་དག་ཡེ་ཤེས་ཀུན་འབྱུང་ས་བོན་ཚོགས་པས་བསྒྲུབ།། ནམ་མཁའི་རི་མོ་དམིགས་པའི་བཀའ་ལ་ཐ་སྙད་གཞི།། མི་མཁས་འཁོར་ལོའི་རྒྱུད་ཐབས་མང་པོས་འཁྲུལ་ཞིང་རྨོངས།། ཡོངས་སུ་སྤང་བླང་བཞག
304b6 པའི་ཐེག་པ་ཐམས་ཅད་བསྟན།། མངོན་སུམ་ཐོབ་པར་འདོད་པས་རྒྱུ་ལ་རྟག་ཏུ་བསྒོམ།། བསྒོམ་ཆགས་བདེ་བ་དེ་ལས་མཉམ་པའི་དོན་མི་འབྱུང་།། སྐུ་གཅིག་ཀུན་ཏུ་ཁྱབ་པས་མངོན་པའི་ཆོས་མེད་དེ།། མཐའ
iiif viewer powered by OpenSeadragon
