| e-texts navigator |
| Wylie |
302a1 འདོད་པས་གོལ་བའི་ལམ།། ཐེག་གཞན་དད་བརྩོན་སྤྱོད་པས་དོན་མི་རྙེད།། ཐབས་ཀྱི་མཚན་ཉིད་ཆེ་བའི་ཆོས་སྤྱོད་པས།། གསང་སྔགས་ཕྱི་ནང་སྤྱོད་པས་གོལ་བར་འཇུག། སྤང་བླང་དབྱེར་མེད
302a2 མཐུན་འཇུག་དཔེ་དང་བཅས།། དཔེ་ཡི་འཐད་པས་ཡང་དག་དོན་གསལ་བྱེད།། འབྲས་བུ་རང་ཆས་གནས་པའི་ཚུལ་འཛིན་ཅིང་།། ངོ་བོ་རང་བྱུང་བྱང་ཆུབ་སེམས་ཀྱིས་བརྒྱན།། སྣང་སྲིད་རྟོག་ཚོགས་བྱང་ཆུབ
302a3 གཞན་ན་མེད།། འདི་དོན་དུས་ཀུན་འགྱུར་མེད་ཤེས་པའི་གོ། ཐུགས་རྗེ་མཛད་པ་གང་ཡང་མི་འགོག་པ།། རང་བཞིན་བདེ་བའི་ཡུལ་རྣམས་མཐུན་པས་བསྒྲུབ།། ལྷུན་གྱིས་གྲུབ་ཅིང་བསྐྱོད་ཅིང་བཟླས་པའི
302a4 དོན།། ཡེ་ནས་གནས་སོགས་གཞན་དུ་རྩོལ་བའི་ཆོས།། བདེན་པ་ཟུང་དུ་འཇུག་པའི་ངང་ཚུལ་བཟང་།། གང་ལས་གང་ལྟར་དེ་དག་དེ་ཡི་གཞི།། འདི་ན་མོས་པ་ཙམ་གྱི་འཛིན་བྱེད་དག། དོན་ཀུན་གསང་བའི་ཐེག
302a5 ཆེན་འབྲེལ་བའི་རྒྱུད།། ཐབས་མཆོག་རྒྱལ་བ་ཀུན་གྱི་བྱིན་རླབས་ཀྱིས།། ཕྲ་བའི་གནད་དོན་དགོངས་པའི་བྱིན་རླབས་ཤུགས།། ཞེས་ཡང་དག་པ་རྒྱ་ཆེར་གསུངས་སོ།། རྫོགས་པ་ཆེན་པོའི་ཆོས་ཉིད་བྱང་ཆུབ་ཀྱི
302a6 སེམས་ཀུན་ལ་འཇུག་པ་རྣམ་དག་སྟོན་པའི་རྒྱུད་ལས། བསྟན་པའི་དོན་ཞུས་པའི་ལེའུ་སྟེ་གཉིས་པའོ།། །། དེ་ནས་ཐམས་ཅད་མཁྱེན་པའི་མཆོག་ཀུན་སྟོན་བྱེད་གཙོ། ཆོས་ཀུན་སྣ་ཚོགས་དོན་འབྱུང
iiif viewer powered by OpenSeadragon
