| e-texts navigator |
| Wylie |
301b1 བཅས་གཞན་དུ་བཞག་པ་མེད།། ཐམས་ཅད་དབྱེར་མེད་བྱ་བ་མེད་པའི་ཆོས། ཁྱད་པར་མཚན་ཉིད་གདགས་པ་སྐབས་ཀྱི་དོན།། ཆོས་ཀུན་མཐོང་ཆོས་ཡུལ་མེད་བལྟ་བ་གང་།། དབུ་མ་ལ་སོགས་ཕྱོགས་ཆོས་གོལ
301b2 སྒྲིབ་དག། ལོག་པར་འཁྲུལ་པའི་ཉེས་ཚོགས་རྣམ་མང་བ།། སྒྲོ་འདོགས་སྐུར་འདེབས་ཡང་དག་དོན་ལས་ཉམས།། མཉམ་པ་ཆེན་པོའི་དབྱིངས་སུ་ལ་བཟླ་ཞིང་།། བློ་དམན་ཐེག་པའི་གོལ་སྒྲིབ་རྣམ་པར་དག། རྒྱུ
301b3 འབྲས་རིགས་འཛིན་སླར་ཡང་འཁྲུལ་པའི་ཚོགས།། ལམ་ཀུན་བགྲོད་པའི་མཐུས་འཆིང་ཕྱིན་པ་མེད།། གཉིས་ཀྱིས་གཉིས་བསྐྱེད་གཉིས་སུ་གྲུབ་པའི་ཆོས།། རྩོལ་བཅས་མཐའ་བསྐྱོད་དོན་ཀུན་ཕྱག་རྒྱ
301b4 འཇིག། གདམས་ངག་དམ་པ་སྟོན་པའི་མཛོད་ནས་བྱུང་། ཀུན་གྱི་མཚན་ཉིད་དམིགས་པར་དཀའ་བའི་ཆོས།། ཡོན་ཏན་རིན་ཆེན་ཚོགས་རྣམས་ཐམས་ཅད་འབྱུང་།། དེ་ཡི་གནས་འགྱུར་སངས་རྒྱས་ཀུན་གྱི
301b5 ཡབ།། དམིགས་མེད་ཐུགས་རྗེ་རང་ལས་ཀུན་སྣང་གསལ།། མ་ལུས་མཐའ་རྣམས་ཡེ་ནས་ལྷུན་གྲུབ་ཅིང་།། ཇི་བཞིན་ཆོས་ཀུན་མ་བཅོས་ལྕུག་བཞག་ཅིང་།། ཕྱོགས་ཆ་ལྷུན་གྲུབ་རང་བྱུང་ཡེ་ཤེས་དངོས།། གཟུང
301b6 འཛིན་རྣམ་དག་བསྒོམ་པའི་གོལ་བ་ཡང་།། དམིགས་བྲལ་ཏིང་འཛིན་ཉམས་སུ་མྱོང་བ་གང་།། ལྟ་བ་མེད་པའི་སྤྱོད་པས་མི་གྲོལ་ཚུལ།། གཞན་ནས་འདོད་པའི་འཁྲུལ་པས་འདོད་པ་བསྙེག། གཞན་ནས་ཐོབ་པར
iiif viewer powered by OpenSeadragon
