| e-texts navigator |
| Wylie |
301a1 དག་སྟོན་པའི་རྒྱུད་ལས།། བསྟན་པའི་གཟུགས་བརྙན་ཇི་ལྟར་བྱང་ཞིང་སྣང་བའི་ལེའུ་སྟེ་དང་པོའོ།། །། དེ་ནས་ཐམས་ཅད་རིག་པའི་མཆོག་གྱུར་པ།། ཉིད་ཀྱི་དཀྱིལ་འཁོར་ཆེན་པོ་ཚོགས
301a2 ཟིན་ནས།། ཀུན་ཏུ་ཆོས་རྣམས་མི་འགྱུར་སྣ་ཚོགས་པའི།། ཕྱག་རྒྱ་ཆེན་པོར་ཟུང་འཇུག་སྣ་ཚོགས་གསལ།། རིགས་མཆོག་རྒྱལ་བ་ཀུན་གྱིས་གསོལ་འདེབས་ཤིང་།། རང་བྱུང་མཆོད་པའི་ཚོགས་རྣམས་ཀུན་ཏུ
301a3 འབུལ།། རྒྱུད་མཆོག་རོལ་པའི་ཡེ་ཤེས་འབྱུང་བའི་གནས།། བྱང་ཆུབ་སེམས་བདེ་ཀུན་ཏུ་ཁྱབ་པ་ལས།། རང་སྣང་དཀྱིལ་འཁོར་ཟབ་མོ་ཟུང་འབྲེལ་བ།། བྱིན་རླབས་ཡུལ་ཚོགས་གཉིས་མེད་གསང་བས་འཇུག། དེ
301a4 ཡི་རང་བཞིན་ངོ་མཚར་ཆོས་འབྱུང་བའི།། དངོས་ཚོགས་ལམ་འབྲས་གཉིས་སུ་མེད་པ་གང་།། གཟའ་བའི་ཡུལ་མེད་སྤྱོད་པ་ཀུན་བྲལ་བས།། ལྟ་བའི་དོན་ཀུན་གྲུབ་མཐའ་སྣ་ཚོགས་ཅིང་།། མི་རྟོག་ཏིང་འཛིན
301a5 གསལ་བའི་གནས་འཇུག་པ།། དོན་ཀུན་ཕྱག་རྒྱ་བསྒོམ་པ་སྣ་ཚོགས་ཚུལ།། ཟིན་ཆགས་གཉིས་མེད་བླང་དོར་ཕྱག་རྒྱའི་གཞི།། འཆིང་གྲོལ་ཆོས་ཀུན་མཐའ་ཡས་སྤྱོད་པའི་བློ།། གོལ་སྒྲིབ་མཐར་བཅས་ཀུན་ཏུ་འཆིང
301a6 བྱེད་པའི།། སོ་སོར་འཛིན་མེད་བྱང་ཆུབ་ཆེན་པོ་མཆོག། སྤང་ཐོབ་བྱེ་བྲག་དབྱེ་ཞིང་དབྱེ་བ་མེད།། འབྲས་བུའི་ཚུལ་ཆེན་ལྷུན་གྱིས་གྲུབ་གནས་ཤིང་།། འདི་ལྟར་དེ་ལས་དེ་བཞིན་དེ་འབྱུང་བའི།། འབྲེལ་མེད་འབྲེལ
iiif viewer powered by OpenSeadragon
