| e-texts navigator |
| Wylie |
300b1 གནས་མེད་པའི།། དངོས་ཚོགས་དེ་བཞིན་རང་བྱུང་མ་བཙལ་དབྱིངས།། ཐབས་དང་ཤེས་རབ་ཟུང་དུ་འཇུག་པའི་སྐུ།། ཀུན་ཏུ་བཟང་པོ་སངས་རྒྱས་ཀུན་གྱི་དངོས།། ཁྱེད་ཀྱི་ཆོས་ཉིད་བྱིན་རླབས་བརྟག་དཀའ
300b2 བས།། བདག་ཅག་ངོ་མཚར་སྒོ་འདིར་ཐེ་ཚོམ་སྐྱེ།། དོན་ཀུན་གསང་བའི་ཆོས་ཆེན་འབྲེལ་པའི་ཚུལ།། སྐུ་གསུང་ཐུགས་ཀྱི་བྱིན་རླབས་བསམ་འདས་པ།། དུས་ཀུན་ཐུགས་རྗེ་དྲི་མ་མེད་པའི་སྤྱན།། མཐའ་བྲལ
300b3 བསྟན་པའི་སྙིང་པོ་ཐེག་པ་ཆེ།། དག་པ་བློ་གྲོས་ཤིན་ཏུ་སྦྱངས་པ་ལ།། ཐུགས་ཀྱི་ཡེ་ཤེས་རྒྱུད་ཆེན་གསང་བའི་མཐུས།། དེ་ལྟར་བདེ་གཤེགས་རིགས་ལྔའི་སངས་རྒྱས་ཚོགས།། གཅིག་གིས་གཅིག་ལ་དགའ
300b4 བའི་གསོལ་འདེབས་ཤིང་།། རང་གི་མཚན་ཉིད་གསང་དོན་བསྟན་མཛད་ནས།། ཀུན་གྱིས་མཐུན་པར་ཀུན་ཏུ་བཟང་ལ་འདུད།། དེ་དག་བྱིན་རླབས་ངོ་མཚར་ཚོགས་རྒྱ་ཆེན།། ཆོས་ཉིད་མཐུ་ལས་ཞིང་ཁམས་ཀུན
300b5 ཏུ་གཡོས།། སྣོད་བཅུད་རབ་ཏུ་འཁྲུགས་ཤིང་རྣམ་པར་གྲོལ།། སངས་རྒྱས་གྲངས་མེད་རིགས་ཀྱི་དཀྱིལ་འཁོར་འབྱུང་།། དེ་ལས་སྣང་བའི་སྟོང་ཁམས་རྡུལ་སྙེད་ཀྱིས།། རང་གི་མཐུ་སྟོབས་དཔེ་བྲལ་ཀུན་ཏུ
300b6 སྟོན།། སྣ་ཚོགས་གནས་རྣམས་བཀོད་པ་ཆེན་པོའི་དབྱིངས།། མི་འགྱུར་མཉམ་པའི་ཕྲིན་ལས་ཀུན་སྤྱོད་པའོ།། ཞེས་ཀུན་ཏུ་རྒྱ་ཆེར་སྟོན་ཏོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་ཀུན་ལ་འཇུག་པ་རྣམ
iiif viewer powered by OpenSeadragon
