| e-texts navigator |
| Wylie |
300a1 བཟང་པོ་སྤྱན་རས་གཟིགས་དབང་ཕྱུག། ས་སྙིང་ནམ་མཁའི་སྙིང་པོ་ཉི་ཟླའི་འོད།། རིན་ཆེན་དྲ་བ་བརྩོན་པའི་དབང་ཕྱུག་དང་།། ཕྱག་ན་རྡོ་རྗེ་དགའ་དབང་སྤྱན་གསལ་སྟོབས།། སྒྲིབ་པ་རྣམ་སེལ་ཤེས་རབ་དྲན
300a2 པའི་མཆོག། ཐུགས་རྗེ་ཤེས་རབ་འབྲེལ་ཚོགས་ཡུལ་དང་བཅས།། གྲངས་མེད་རིགས་ཀྱི་གཙོ་བོར་གྱུར་པ་དག། རྒྱུ་འབྲས་ཆོས་ཀུན་རྣམ་པར་སྦྱོང་བྱེད་ཅིང་།། རང་གི་མཚན་བརྗོད་སྟོན་པའི་དོན་ཇི་ལྟར།། སངས
300a3 རྒྱས་མཐུ་ཡིས་ཕྱོགས་རྣམས་འཁོད་པར་འགྱུར།། ཡེ་ནས་རང་བཞིན་མ་བཅོས་དཀྱིལ་འཁོར་ཆེ།། དེ་ཉིད་གཙོ་བོ་དེ་ཉིད་འཁོར་གྱི་ཚུལ།། འབྱུང་ཆེན་ས་ཆུ་མེ་རླུང་ནམ་མཁའ་ལས།། རང་བྱུང་རིགས་ཚོགས་དཀྱིལ
300a4 འཁོར་རྟེན་དང་གནས།། འགྲོ་བའི་ལམ་ཀུན་འཕྲུལ་པའི་མཐུ་མཚུངས་པས།། བརྟན་གཡོའི་དེ་བཞིན་བྱ་བ་མཐར་ཕྱིན་པའི།། རང་བྱུང་སངས་རྒྱས་པདྨའི་སྙིང་པོ་ཅན།། གཉིས་སྣང་གཉིས་མེད་བདེ་ཆེན་ཁྱབ་པའི
300a5 དབྱིངས།། སྟོན་པ་གནས་འཁོར་བསྟན་པ་གཉིས་མེད་པའི།། དུས་གསུམ་ཉིད་ན་རབ་ཏུ་མཐར་ཕྱིན་པའི།། ཐམས་ཅད་གཉིས་མེད་བྱིན་གྱིས་བརླབས་ལས་སྣང་།། དེ་དག་བདེ་བ་ཆེན་པོ་ཆོས་ཉིད་དོ།། དེ་ནས་སྟོན
300a6 པའི་ཆོ་འཕྲུལ་ཐབས་སྣ་ཚོགས།། གཉིས་མེད་གཉིས་ཀྱི་ཚུལ་དུ་སྣང་བ་ལས།། ཐམས་ཅད་ངོ་མཚར་སྐྱེས་པས་ངོམས་པར་གྱུར།། བསྟོད་ཚིག་གསང་བའི་རྒྱུད་ཀྱིས་གསོལ་བ་གདབ།། ཆོས་ཀུན་རབ་ཏུ་མི་གནས
iiif viewer powered by OpenSeadragon
