| e-texts navigator |
| Wylie |
2b1 པོས་བཀའ་སྩལ་པ། དམ་ཚིག་ཐུན་གཅིག་ནི། ཡང་ཏི་ནག་པོ་གསེར་གྱི་འབྲུ་གཅིག་པ།། དཔེར་ན་རིན་ཆེན་གསེར་གྱི་རྡོ་བ་ལ།། བྱ་དང་ཁྱི་དང་སྐུ་གཟུགས་རྣམས།། བྱས་ཀྱང་གསེར་ལས་འགྱུར་བ་མེད།། བཟང
2b2 དུ་མ་སོང་ངན་དུ་མི་འགྲོ་སྟེ།། གཟུགས་ཀྱི་རྣམ་པ་ཐ་དད་ཀྱང་།། ངོ་བོ་གསེར་ལས་འགྱུར་བ་མེད།། དེ་བཞིན་དམ་ཚིག་ཐུན་གཅིག་ནི།། ཐིག་ལེ་ཉག་གཅིག་དོན་རྟོགས་ན།། བསྲུང་དུ་གཉིས་སྣང་མེད
2b3 པའི་ཕྱིར།། བསྲུང་བྱ་བྱུང་ན་ཡང་ཏི་མིན།། བསྲུང་རྒྱུ་བྱུང་ན་ཉག་གཅིག་མིན།། གཉིས་སྣང་བྱུང་ན་གཟུང་འཛིན་ཡིན།། སོ་སོ་སྐྱེ་བོའི་ཁྱུ་རུ་གོལ།། གོལ་ཕྱིར་ཡང་ཏིའི་དམ་ཚིག་མིན།། དེ་ཡང་ལུང་ལས། དམ་ཚིག
2b4 ཆེན་པོ་དེ་ཉིད་མཁྱེན།། དབང་པོ་བསམ་པ་མཁྱེན་མཆོག་གིས།། བརྡའ་ནི་དུག་ལྔ་རང་གྲོལ་རང་ཤར་བའོ།། སྒྲ་ནི་ས་མ་ཡ་ཏྲི་ཀཱ་ཡ་ཨེ་ཀའོ།། ཞེས་གསུངས་སོ།། བརྡའ་སྒྲ་དོན་གྱི་ལེའུ་སྟེ་གསུམ
2b5 པའོ།། །། ཀུན་ཏུ་བཟང་པོས་བཀའ་སྩལ་པ། དཔེ་བརྡ་གཅིག་ནི། རྒྱ་མཚོ་ཆེན་པོ་སྐུ་གསུམ་བརྡའ།། ནམ་མཁའ་ཆེན་པོ་ཐུགས་རྗེའི་བརྡའ།། སྨན་གྱི་རྒྱལ་པོ་ག་བུར་ནི།། སྨན་དང་དུག་དང་ཁ་ཟས
2b6 བརྡའ།། དེ་ནི་ཕྱི་ཡི་བརྡའ་གསུམ་ཡིན།། ངོ་བོ་རང་བཞིན་ཐུགས་རྗེའི་བརྡའ།། དེ་ནི་འཁྲུལ་པ་གཞི་ཡི་བརྡ།། མ་ནི་རྣམ་གསུམ་སེམས་ཅན་བརྡའ།། སྣང་བ་རྣམ་གསུམ་འཁྲུལ་པའི་བརྡའ།། དེ་ནི་ནང་གི་བརྡའ་བཞི།
iiif viewer powered by OpenSeadragon
