| e-texts navigator |
| Wylie |
29a1 འདྲ།། གཟུག་འཛིན་གངས་ལ་ཁ་བབས་འདྲ།། བག་ཆགས་རྒྱ་མཚོའི་གཉེར་མ་འདྲ།། དུག་ལྔ་ནགས་ལ་མེ་ཤོར་འདྲ།། དགྲ་གཉེན་གྲམ་པའི་རྡོ་དང་འདྲ།། ཆགས་སྡང་ལམ་ཀའི་མགྲོན་པོ
29a2 འདྲ།། འཁྲུལ་པ་གཟི་ལུམ་བརྒྱུས་པ་འདྲ།། འཁོར་བ་ཟོ་ཆུའི་ཁྱུད་མོ་འདྲ།། འགྲོ་འདུག་ཚོང་པ་སྐྱེལ་བསུ་འདྲ།། སྡུག་བསྔལ་ཚོང་པ་འཇོམ་པ་འདྲ།། རྣམ་རྟོག་ཚོང་དུས་འོ་མ་འདྲ།། འདོད་པ་བུ་ཤིའི་འོ་མ
29a3 འདྲ།། ཆགས་པ་ཕྱེ་ལེབ་མེར་ཤོར་འདྲ།། སྡང་བ་ལམ་གྱི་དགྲ་དང་འདྲ།། རྣམ་རྟོག་སྨིག་རྒྱུ་འགྲུས་པ་འདྲ།། དེ་ཚེ་ངོ་སྤྲོད་ཤེས་གྱུར་ན།། རྫོགས་པ་ཆེན་པོའི་ལམ་ཆེན་ཡིན།། ཞེས་གསུངས་སོ།། འབྱུང་པོ་ཀུན
29a4 འདུལ་གྱི་རྒྱུད་ལས། འོད་གསལ་འཁོར་ལོ་ཕྱིར་ཟློག་ནང་ཟློག་གི་ལེའུ་སྟེ་ཉེར་བཞི་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། དྲན་པ་བཞི་ཡིས་མ་བརྒྱན་ན།། འོད་གསལ
29a5 འཁོར་ལོ་བསྐོར་བ་དཀའ།། དེ་ཕྱིར་དྲན་པའི་ཟག་པས་གདགས།། མ་དྲན་པས་ནི་བསྐོར་ཐབས་མེད།། དེས་ན་དྲན་པའི་ཟག་པས་གདགས།། དེ་ལ་ངོ་སྤྲོད་བསྟན་པར་བྱ།། ད་ལྟར་བར་དོ་གཉིས་སུ་བསྟན།། མན
29a6 ཤེལ་མེ་ལོང་གཉིས་པོ་ལ།། བཞི་ལ་རྒྱུ་རྐྱེན་འབྲས་བུ་གཞི།། ད་ལྟར་བར་དོ་སྦྱར་ལ་བསྟན།། ཐུགས་རྗེའི་འབྱུང་ལུགས་ངོ་སྤྲད་བསྟན།། ད་ལྟ་རང་ལ་ངོ་སྤྲོད་ན།། སྙིང་དང་མགྲིན་པ་མིག་དང་གསུམ།། ཆོས་སྐུ
iiif viewer powered by OpenSeadragon
