| e-texts navigator |
| Wylie |
299b1 དངོས་ཀུན་དུས་གསུམ་ཉིད།། འོག་མིན་ལྷུན་གྲུབ་ཆོས་ཀྱི་ལོངས་སྤྱོད་གཞི།། ཞིང་ཁམས་རྣམ་བཀོད་ཡོན་ཏན་ཀུན་སྣ་ཚོགས།། འཇིག་རྟེན་གྲངས་མེད་གཅིག་ཚུལ་བཙལ་མེད་པའི།། དུས་གསུམ་འཕོ་འགྱུར་མེད
299b2 པའི་གདན་ས་མཆོག། ཡེ་ཤེས་མ་འགགས་རིན་ཆེན་སྣ་ཚོགས་མདངས།། དཀྱིལ་འཁོར་ཀུན་ཏུ་རྒྱ་ཡོངས་མ་ཆད་པའི།། རྒྱན་ཚོགས་འདོད་པའི་ལོངས་སྤྱོད་སྣ་ཚོགས་པར།། ཉིད་ཀྱི་སྣང་བའི་གདན་ཀུན་རྣམ་པར
299b3 བརྩེགས།། དེ་བཞིན་གཤེགས་པ་གཟུགས་སོགས་རྣམ་དག་པའི།། ཉོན་མོངས་རྐྱེན་བཅས་དུག་ལྔ་ལ་སོགས་འབྲས།། བདག་པོ་ཡེ་ཤེས་མཐུ་ལྔའི་ངོ་བོ་ཉིད།། སྐུ་གསུང་ཐུགས་མཆོག་ཡོན་ཏན་ཕྲིན་ལས
299b4 བརྒྱན།། དྲི་མེད་རྡོ་རྗེ་སྙིང་པོ་འདུས་མ་བྱས།། བདེ་གཤེགས་འཁོར་ལོས་ཐེག་ཆེན་མཚོན་པར་བྱེད།། དོན་ཀུན་རིན་ཆེན་སྣ་ཚོགས་འབྱུང་བའི་གཞི།། ཆོས་རྣམས་རང་བཞིན་པདྨོ་ཆགས་པ་ཉིད།། ཕྲིན
299b5 ལས་ཐམས་ཅད་རྩོལ་བྲལ་མཐར་ཕྱིན་པ།། རིགས་མཆོག་རྒྱལ་བ་ལྔ་དང་བཅས་པའི་ཡུམ།། དཀྱིལ་འཁོར་དབྱིངས་དང་མཉམ་པར་སྦྱོར་བའི་མཆོག། རིགས་ཀྱི་དཀྱིལ་འཁོར་གྲངས་མེད་རྣམ་སྟོན་ཅིང་།། ཐམས
299b6 ཅད་རང་བཞིན་སྤྲུལ་པའི་ཁྱད་པར་ལས།། མཐུ་དབང་བྱིན་བརླབས་ཡོངས་སུ་རྫོགས་པའི་ཆོས།། བྱང་ཆུབ་སེམས་དཔའ་སེམས་དཔའ་ཆེན་པོའི་གཙོ།། དཔལ་ལྡན་འཇམ་དབྱངས་བྱམས་པ་དྲི་མ་མེད།། ཀུན་ཏུ
iiif viewer powered by OpenSeadragon
