| e-texts navigator |
| Wylie |
299a1 ལྡན་རིག་པའི་སངས་རྒྱས་ལ།། རྟོག་པའི་རྣམ་པ་ཀུན་མེད་པས།། གང་ཞིག་འབྲས་བུ་ཇི་ལྟར་འདོད།། སྦྱོར་ལྡན་དོན་ལ་ཡིན་པས་ན།། དེ་བཞིན་ཐམས་ཅད་དག་པའང་འགྱུར།། ཞེས་གསུངས
299a2 སོ།། བྱང་ཆུབ་ཀྱི་སེམས་ཡེ་ཤེས་རྫོགས་པའི་རྒྱུད་ལས། རིག་པ་རྒྱུ་རྐྱེན་གྱིས་བསྐྱེད་པ་དང་བྲལ་བར་བསྟན་པའི་ལེའུ་སྟེ་བཅུ་པའོ།། །། བྱང་ཆུབ་ཀྱི་སེམས་ཡེ་ཤེས་རྫོགས་པའི་རྒྱུད་ཅེས་བྱ་བ་རྫོགས
299a3 སོ།། ། རྒྱ་གར་གྱི་མཁན་པོ་ཤྲཱི་སིང་ཧ་དང་། བོད་ཀྱི་ལོ་ཙྪ་བ་བེ་རོ་ཙ་ནས་དྷ་ཧེ་ནའི་འདུ་ཁང་དུ་བསྐུར་བའོ།། ། @#།། རྒྱ་གར་སྐད་དུ། མ་ཧཱ་སནྟི་བོདྷི་ཙིཏྟ་སརྦ་ཨ་བ་ཏཱ་ར་བི
299a4 ཤུདྡྷོ་དྷིཥྛ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་བྱང་ཆུབ་ཀྱི་སེམས། ཀུན་ལ་འཇུག་པ་རྣམ་དག་སྟོན་པའི་རྒྱུད་ཅེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག
299a5 ན།། ཐམས་ཅད་སྣང་ཞིང་དེ་དག་དེ་ཉིད་དབྱིངས།། རང་བཞིན་མི་གཉིས་ཆོས་ཀུན་འགག་པ་མེད།། ཡེ་ནས་ལྷུན་གྲུབ་ཡེ་ཤེས་སྣ་ཚོགས་གཞི།། བྱང་ཆུབ་སེམས་དབྱིངས་དཀྱིལ་འཁོར་རྒྱས་པའི་ཚོགས། ཀུན་ཏུ
299a6 བཟང་པོ་སྒྲིབ་མེད་ཐམས་ཅད་མཁྱེན།། སྟོན་པ་བདེ་ཆེན་སྐུ་གསུམ་གཞན་རྒྱུད་སེལ།། ཟུང་འཇུག་དབྱེར་མེད་ཡོན་ཏན་འཕྲུལ་པའི་དངོས།། སྐུ་གསུང་ཐུགས་མཆོག་ཁྱད་པར་ལྷ་ཡི་ལྷ།། སངས་རྒྱས་གཉིས་མེད
iiif viewer powered by OpenSeadragon
