| e-texts navigator |
| Wylie |
298b1 རྣམ་དག་མཁའ་ལྟར་ཁྱབ།། རྣམ་དག་འཛིན་པའི་སྤྱོད་ཡུལ་མིན།། སྒྲོ་མེད་སྟོང་པའི་ཐིག་ལེ་ནི།། རྣམ་པ་མེད་དང་གསང་བའི་སེམས།། བརྟགས་པ་སྣ་ཚོགས་ངོ་བོ་ལ།། མི་གཡོ་རང་བཞིན་དཀྱིལ་འཁོར་ནས།། ཡེ
298b2 ཤེས་ཉི་མས་ཀུན་མཐོང་ཡང་།། ཤིན་ཏུ་སྦྱོར་ལྡན་རྣལ་འབྱོར་ལ།། བརྟགས་པའི་རྣམ་པ་མཐོང་བ་མེད།། བསམ་གྱིས་མི་ཁྱབ་གང་དུས་ན།། འོད་གསལ་ཡེ་ཤེས་དོན་སྣང་ཡང་།། གང་མཐོང་སྣ་ཚོགས་སེམས་དང
298b3 བྲལ།། རང་བྱུང་དག་པའི་འཁོར་ལོ་ལ།། རང་བཞག་རིག་པ་ཀུན་རྟོགས་དང་།། སྦྱོར་འདོད་སྣ་ཚོགས་མཐོང་བ་མེད།། གསང་བའི་འཁོར་ལོ་རྫོགས་པ་འདི།། རྒྱུ་མེད་མཐར་གྱུར་རང་གནས་པ།། དྲི་མེད་སྙིང་པོར
298b4 རང་གསལ་བས།། རྒྱུ་རྐྱེན་འདོད་པའི་ངོ་བོས་སྟོང་།། གང་ཞིག་རྒྱུ་བྲལ་ངོ་བོ་ཉིད།། དཔེ་ནི་རི་བོང་རྭ་བཞིན་ནོ།། རྒྱུ་མེད་རྒྱུས་བསྐྱེད་དེ་དང་འདྲ།། རང་གནས་ཡེ་ཤེས་གདོད་ནས་གྲུབ།། གང་དག་དག་པའི་འཁོར
298b5 ལོ་ལ།། སྦྱོར་འདོད་རྒྱུ་རྩོལ་གང་ཞིག་ན།། མཐུན་པ་ཉིད་དམ་མི་མཐུན་པ།། ཟུག་པ་མེད་དེ་གང་ལ་འཐད།། ཁྱད་པར་མ་གྲུབ་འོད་གསལ་ཉིད།། མ་བཅོས་རང་བཞག་ཉིད་དུ་བདེ།། བཅོས་མེད་དགོངས་པ་ཅི་ཡང
298b6 མིན།། གཞན་ལ་དེ་ན་དེ་བཞིན་པས།། ཤེས་པ་དུ་མ་གང་ལ་ངེས།། དེ་འདོད་ཉིད་ལ་དེ་ལྟར་འགྱུར།། རྩོལ་འཇུག་གང་ལ་དེ་དོན་ལ།། མཐར་འགྱུར་དེ་ལ་དེ་བཞིན་འབྱུང་།། དེས་ན་གནས་པའི་དོན་ཡིན་ན།། བདེ
iiif viewer powered by OpenSeadragon
