| e-texts navigator |
| Wylie |
297b1 དབུས་མེད་པའི་སྙིང་པོ་ལ།། སྤང་ལེན་བྲལ་བའི་སེམས་ཀྱིས་འཇུག། རང་བཞིན་རྣམ་དག་དབྱེ་བ་མེད།། ལྷུན་གྲུབ་རང་བཞིན་ཡེ་སངས་རྒྱས།། རང་རིག་འོད་གསལ་རྣམ་པར་དག། ཡེ་ཤེས་གང་མཚོན་མཚན
297b2 ཉིད་གསལ།། ལྷུན་གྲུབ་རང་རིག་ཀུན་ཏུ་བཟང་།། ཡེ་ཤེས་རྫོགས་པའི་དཀྱིལ་འཁོར་ལྷ།། གཟུང་འཛིན་དང་བྲལ་དྲི་མ་མེད།། ཡེ་ཤེས་སྒྱུ་མ་ཀུན་ཏུ་བཟང་།། རང་བྱུང་སྒྱུ་མ་ངོས་བཟུང་མེད།། རྣམ་དག་རང་བྱུང
297b3 དཀྱིལ་འཁོར་གསུམ།། མ་སྐྱེས་ལྷུན་གྲུབ་བྱ་བ་མེད།། དོན་ལ་གང་འཇུག་སྦྱོར་ལྡན་རྣམས།། ཡི་གེ་བརྡའ་མེད་གཉིས་མེད་གསལ།། སྒྱུ་མ་དང་བྲལ་རིག་པས་རྟོགས།། རང་སྣང་རིག་པའི་འོད་ལ་བཞུགས།། བསམ
297b4 མེད་རང་བཞག་སལ་ལེ་བ།། ཅི་ཡང་མ་ཡིན་གྱི་ན་བ།། རང་གསལ་ཡེ་ཤེས་ཉི་མའི་འོད།། ཀུན་བཟང་རྒྱལ་བའི་ཐུགས་དམ་མོ།། ཞེས་གསུངས་པ་དང་། དེ་ནས་སེམས་དཔའ་རྡོ་རྗེས་འདི་སྐད་ཞུས་སོ།། སྣང་མེད
297b5 ཆེན་རང་སྣང་ལ།། བརྟགས་པའི་སྣང་བས་གཉིས་སུ་མཐོང་།། རང་བཞིན་རྣམ་དག་གསེར་བཞིན་ཡང་།། ཐོག་མེད་དུས་ནས་དོན་མ་མཐོང་།། དུས་འདིར་སྒོར་འཇུག་གང་དག་ནི།། གསང་བའི་དོན་ལ་མོས
297b6 པས་འཇུག། གསལ་བྱེད་རིན་ཆེན་སྒྲོན་མ་གང་།། འཛིན་པའི་དྲི་མ་གང་གིས་དག། བདེ་ཆེན་གསང་བ་གང་གིས་རྙེད།། ཅེས་ཞུས་པ་དང་།། རིག་པའི་རྒྱལ་པོས་བཀའ་སྩལ་པ།། བསམ་གྱིས་མི་ཁྱབ་དུས་གང
iiif viewer powered by OpenSeadragon
