| e-texts navigator |
| Wylie |
297a1 བསྟན་པའི་རྣམ་པ་ཀུན།། མ་ཤེས་རིག་པའི་མཁའ་ལ་རྫོགས།། ཞེས་གསུངས་སོ།། བྱང་ཆུབ་ཀྱི་སེམས་མ་ཤེས་རྫོགས་པའི་སླད་ལས། སྡུད་པ་བསྟན་པའི་ལའུ་རྩ་བརྒྱད་པའོ།། ། དེ་ནས
297a2 རིག་པའི་རྒྱལ་པོས་རང་བྱུང་རྫོགས་པའི་དཀྱིལ་འཁོར་འདི་གསུངས་སོ།། སེམས་ཉིད་རང་བྱུང་དཀྱིལ་འཁོར་ནི།། མ་བཅོས་རིག་པ་ལྷུན་གྲུབ་སྟེ།། མཐའ་དབུས་མེད་པའི་གཞལ་ཡས་ནས།། རང་འབར་ཡེ་ཤེས
297a3 རྫོགས་སངས་རྒྱས།། རང་ཐུང་རིག་པའི་འཁོར་མཐའ་མེད།། ལྷུན་གྲུབ་ཕོ་བྲང་ཆེན་པོར་ནི།། སྤྱན་དྲངས་མ་ཡིན་ཡེ་སངས་རྒྱས།། རང་བྱུང་གསལ་བའི་སྔགས་ལྡན་པས།། ལྷ་ཡི་སྙིང་པོ་དབུལ་མི་དགོས།། བདེ
297a4 ཆེན་གསལ་བའི་དོན་ལྡན་པས།། ཡེ་ཤེས་གསང་བའི་དཀྱིལ་འཁོར་མཉེས།། རང་བྱུང་སེམས་ཉིད་ཀུན་གྱི་ལྷ།། དུས་གསུམ་འདའ་མེད་ཐུགས་དམ་མོ།། རྣམ་དག་རིག་པ་ཀ་དག་ལ།། ཉེས་པའི་དྲི་མ་དང་བྲལ
297a5 བས།། ཡེ་ཤེས་དམ་ཚིག་རྣམ་པར་དག། བརྗོད་མེད་རིག་པའི་དོན་མཐོང་ན།། རང་བྱུང་གསང་བའི་དམ་ཚིག་ཐོབ།། རང་བཞག་སེམས་ལས་མི་འདའ་ན།། མི་རྟོག་དམ་ཚིག་ཅིད་ཡིན་པས།། རང་བྱུང་དམ་ཚིག
297a6 རྣམ་པར་དག། མི་རྟོག་འཛིན་བྲལ་ཡེ་ཤེས་ལ།། བསོད་ནམས་ཡེ་ཤེས་ལྷུན་གྱིས་གྲུབ།། རྡོ་རྗེ་གསང་བའི་དཀྱིལ་འཁོར་ནི།། འགྱུར་མེད་རང་བྱུང་ཀུན་ཏུ་བཟང་།། ཡེ་ཤེས་གསང་བའི་དཀྱིལ་འཁོར་རོ།། མཐའ
iiif viewer powered by OpenSeadragon
