| e-texts navigator |
| Wylie |
296a1 ལ།། གཉིས་སུ་མེད་པའི་རང་བཞིན་ལས།། ཆོས་ཅན་ཆོས་ཉིད་གང་ཡང་མིན།། འདོད་པའི་བློ་ཡིས་གང་སྦྱོར་བ།། དམན་པའི་སེམས་ལ་བསྟན་པར་ཟད།། བསམ་བྲལ་ཡེ་ཤེས་འཁོར་ལོ་ལ།། ཆོས
296a2 ཅན་ཆོས་ཉིད་གང་རྟོག་པ།། རང་བྱུང་གསང་བའི་སེམས་མ་ཤེས།། བདེ་མཆོག་འཁོར་ལོའི་དོན་མ་རྙེད།། མི་འགྱུར་གསལ་བའི་སེམས་དང་བྲལ།། ཡེ་ཤེས་རིན་ཆེན་འོད་ཀྱང་ནུབ།། འཁོར་བའི་ལྕགས་ལས་ཐར
296a3 བ་མེད།། སྣ་ཚོགས་འཁོར་བའི་རང་བཞིན་ལ།། རྨོངས་པའི་བློ་ཡིས་བླང་དོར་བྱེད།། གཉིས་མེད་རང་བྱུང་འོད་གསལ་ལ།། སྒྲོ་དང་སྐུར་པས་རང་སེམས་སྤངས།། ཞེས་གསུངས་སོ།། བྱང་ཆུབ་ཀྱི་སེམས་ཡེ་ཤེས
296a4 རྫོགས་པའི་རྒྱུད་ལས། བྱ་བ་དང་བྲལ་བ་ལས་ཆོས་དང་ཆོས་ཅན་མ་གྲུབ་པར་བསྟན་པའི་ལེའུ་སྟེ་བདུན་པའོ།། །། དེ་ནས་ཡང་རིག་པའི་རྒྱལ་པོས་ཡེ་ཤེས་རིག་པའི་སྤྱོད་པ་འདི་གསུངས་སོ།། ཡེ་ཤེས་བདེ
296a5 མཆོག་ཀུན་ཏུ་བཟང་།། རང་བྱུང་ནམ་མཁའི་རྡོ་རྗེ་ཉིད།། ཅི་ལ་སྤྱོད་ཀྱང་ཆགས་པ་མེད།། སྒོ་གསུམ་བག་ཡངས་ལྷག་པ་ཉིད།། སྣང་མེད་རང་བྱུང་ཡེ་ཤེས་གསལ།། རང་བཞག་ཡེ་ཤེས་སྤྱོད་པ་ལ།། བླང་དོར
296a6 གཉིས་མེད་བདེ་ཆེན་དང་།། མཁའ་མཉམ་ཡེ་ཤེས་རང་བྱུང་ལ།། དུས་གསུམ་འདའ་བ་མེད་པར་གནས།། རང་འབར་ཡེ་ཤེས་དཀྱིལ་འཁོར་ནས།། དངོས་གྲུབ་རིན་ཆེན་འོད་ལྟར་འབྱུང་།། ཡེ་ཤེས་རྒྱ་མཚོ་མུ་མཐའ
iiif viewer powered by OpenSeadragon
