| e-texts navigator |
| Wylie |
295b1 སྣང་རིག་པ་འོད་གསལ་ལ།། ངག་གིས་བཙལ་མེད་རིག་པའི་གསུང་།། མི་འགྱུར་ཀུན་བཟང་ཡེ་ཤེས་ལ།། ཐུགས་ཀྱིས་བཙལ་མེད་བསམ་དང་བྲལ།། སྣང་བ་གཟུགས་ཀྱི་རྣམ་པ་ཀུན།། མཉམ་མེད་ཆོས་ཀྱི་སྐུ
295b2 རུ་ཐིམ།། གྲགས་པའི་སྒྲ་ཡི་རྣམ་པ་ཀུན།། མཚོན་པའི་རང་རྟགས་གསུང་དུ་ཐིམ།། ཤེས་རིག་མ་ལུས་ཇི་སྙེད་པ།། ཐུགས་ཀྱི་མཚོན་པའི་རང་རྟགས་དེ།། ཡེ་ཤེས་རིག་པའི་ཐུགས་སུ་ཐིམ།། རིག་པ་འགྱུར་མེད་རྡོ་རྗེ
295b3 ལྟར།། དབྱེར་མེད་ཡེ་ཤེས་བྱ་བཙལ་བྲལ།། ཞེས་གསུངས་པ་དང་།། དེ་ནས་སེམས་དཔའ་རྡོ་རྗེས་འདི་སྐད་ཅེས་ཞུས་སོ།། རྣམ་དག་ཡེ་ཤེས་དཀྱིལ་འཁོར་ནས།། འགྲོ་དྲུག་ཡེ་ནས་སངས་རྒྱས་ཀྱང་།། ལས་སྟོབས
295b4 དྲག་པོས་བདག་ཞུགས་ཏེ།། རང་རྐྱེན་ལོག་པའི་ཤུགས་ཀྱིས་དཀྲུགས།། རང་བཞིན་རིན་ཆེན་ནོར་བྲལ་བས།། རིས་དྲུག་འཁོར་ལོའི་གནས་སུ་འཁྱམས།། དུས་འདིར་ཐུགས་རྗེ་བྱིན་རླབས་ཀྱིས།། རྫོགས་པའི
295b5 སེམས་ལ་མོས་བསྐྱེད་པ།། དེ་ཚེ་རྩོལ་བཅས་འབྲས་བུ་ཡོད།། རྣམ་རྟོག་གཡོ་བ་ཅིར་འགྱུར་བ།། རིག་པའི་དོན་ལ་གང་གིས་བསྟན།། ངེས་པའི་གསང་དོན་གང་གིས་མཐོང་།། ཞེས་ཞུས་པ་དང་།། རིག་པའི་རྒྱལ
295b6 པོས་སླར་གསུངས་པ།། ཡེ་ཤེས་རྫོགས་པའི་སེམས་བསྐྱེད་ཟུང་།། སྤྲོ་བའི་སེམས་ལྡན་དོན་ལ་སྦྱོངས།། རང་བཞག་རིག་པ་མ་ཡིན་པར།། བརྡའ་སྒོ་རྟོག་པའི་རྗེས་མ་འབྲངས།། བདེ་ཆེན་གསང་བའི་འཁོར་ལོ།
iiif viewer powered by OpenSeadragon
