| e-texts navigator |
| Wylie |
294b1 རྫོགས་པའི་དོན།། རང་རིག་བདེ་བས་ཤེས་པར་གྱིས།། རང་བྱུང་རྒྱལ་པོ་སྟོན་པའི་མཆོག། ཡེ་ཤེས་མ་འགགས་ཅིར་ཡང་གསལ།། རིག་པའི་ཀློང་གི་འཁོར་དུ་རྫོགས།། རང་སེམས་བདེ་ལ་ཀུན་རྫོགས
294b2 པས།། བསྟན་པ་རྒྱ་མཚོ་རིག་པའི་ཀླུང་།། རྣམ་དག་རང་སེམས་སྐྱེ་མེད་པས།། འགྱུར་མེད་འཁོར་ལོ་རིག་པའི་གནས།། ཡེ་ཤེས་རྩོལ་མེད་གནས་ཀྱི་མཆོག། རང་བྱུང་སྟོན་པའི་འོད་གསལ་ཐུགས།། འཛིན་མེད
294b3 རིག་པའི་ཉི་མ་ཤར།། མེ་ཤེལ་འོད་ལྟར་བྱིན་རླབས་འཁྲིགས།། འོད་གསལ་རིག་པའི་བསྟན་པ་སྒྲོགས།། རང་བྱུང་རྐྱེན་དང་བྲལ་བ་གནས་ཀྱི་མཆོག། རང་བྱུང་བདེ་ཆེན་ཡེ་ཤེས་རོལ་པའི་སྐུ།། ཡི་གེ་བརྡའ་བྲལ་ཡེ
294b4 ཤེས་རིག་པའི་གསུང་།། ཚིག་གི་ལམ་ཆད་ཡེ་ཤེས་སྒྲོན་མ་འབར།། ལེན་མེད་འཛིན་དང་བྲལ་བས་བདེ་མཆོག་གསང་བའི་ལམ།། བརྡའ་ཡི་འཇུག་པས་གསང་བའི་དོན་མི་གསལ།། མིང་དང་དོན་མེད་རང་བྱུང་ཡེ
294b5 ཤེས་གསལ།། རིག་པའི་ཐིག་ལེ་གསལ་བའི་གསུང་།། བརྗོད་མེད་ཡེ་ཤེས་འཁོར་ལོའི་བདག། ཐ་སྙད་ཀུན་བྲལ་བརྗོད་བྱ་དག། བརྡའ་མེད་རང་བྱུང་ཡེ་ཤེས་ཉིད།། རིག་པའི་འཁོར་ལོ་བདག་ལ་འཆར།། རིན
294b6 ཆེན་འོད་འབར་ཐིག་ལེའི་མཐའ།། རང་བྱུང་གཟེར་ཆེན་རང་ལ་འདེབས།། རང་བྱུང་འཁོར་ལོས་རང་ལ་གཅོད།། རིག་པའི་ཕྱག་རྒྱ་འགྱུར་བ་མེད།། ཅེས་གསུངས་སོ།། བྱང་ཆུབ་ཀྱི་སེམས་ཡེ་ཤེས་རྫོགས་པའི་རྒྱུད
iiif viewer powered by OpenSeadragon
