| e-texts navigator |
| Wylie |
293b1 ཉིད་ཀྱང་།། རང་གཞན་ལོག་པ་རྨོངས་པས་བཅིངས།། སྣང་མེད་རང་བྱུང་བདེ་ཆེན་ལ།། སྣ་ཚོགས་དངོས་པོར་རང་སེམས་འཁྲུལ།། བདེ་འབྱམས་དབྱིངས་ལས་མ་གཡོས་ཀྱང་།། འཁྲུལ་རྟོགས་སྡུག་བསྔལ་སྣ
293b2 ཚོགས་མྱོང་།། རྣམ་དག་མི་གཡོ་ཐུགས་རྗེས་བཤད་དུ་གསོལ།། ཞེས་ཞུས་པ་དང་། རིག་པའི་རྒྱལ་པོས་བཀའ་སྩལ་པ།། ཡེ་ཤེས་རང་བྱུང་ཆོས་ཀྱི་སྐུ།། ཀུན་བཟང་ཡེ་ཤེས་སྟོན་པའི་མཆོག། མ་ལུས་བསྟན་པ་ཇི
293b3 སྙེད་པ།། བྱར་མེད་རང་བྱུང་སེམས་སུ་བཤད།། དེ་ཉིད་གང་ལ་དེ་དག་སྟེ།། གང་ལ་བཤད་པ་ཤུགས་ཀྱིས་གོ། སྣང་དང་སྲིད་པའི་ཆོས་རྣམས་ཀུན།། རང་བྱུང་སེམས་ལས་མ་གཡོས་པས།། རང་རིག་རྫོགས་པའི
293b4 ཤུགས་ཀྱིས་གསལ།། གང་ལ་རང་གསལ་ངོ་བོ་བསྟན།། ཤུགས་ཀྱི་བརྒྱུད་པས་དེ་མཐོང་བ།། རང་བྱུང་ཉི་མ་འོད་ཀྱི་མཆོག། མ་བཅོས་གསལ་བའི་འཁོར་ལོ་ལ།། འཛིན་པའི་དྲི་མ་ཀུན་གྱི་དབེན།། མེ་ཤེལ་འོད
293b5 ལྟར་རིག་པ་འཆར།། བདེ་ཆེན་རིག་པའི་འཁོར་ལོར་བཤད།། བརྡ་དོན་སྒྲ་ཡིས་གང་ལ་བརྒྱུད་དོན་རྟོགས།། རིག་པའི་གདེང་ལྡན་ཡེ་ཤེས་ཀློང་དུ་ཤར།། གསལ་བའི་ཡེ་ཤེས་དགོངས་པ་ལ།། ཐུགས་རྗེའི་རིན་ཆེན
293b6 འོད་ལྟར་འཕྲོ།། ཚིག་གི་དོན་བྲལ་ཡེ་ཤེས་རྫོགས་པ་ཆེ།། བརྡ་སྒོ་ལམ་གྱི་ཞེན་པ་གང་བཟློག་དང་།། བརྡ་དང་ཐ་སྙད་རིག་པའི་སྙིང་པོར་འཆར།། རང་བྱུང་རྩ་བ་མ་ལུས་གཅིག་ཏུ་རྟོགས།། སྦྱོར་ལྡན་ལམ་གྱི་རྟོགས
iiif viewer powered by OpenSeadragon
