| e-texts navigator |
| Wylie |
293a1 བས།། ལམ་གྱིས་མ་བཅོས་ཡེ་སངས་རྒྱས།། གང་སྣང་རྣམ་པ་ཅིར་རྟོག་ཀྱང་།། རང་རིག་བདེ་ཆེན་མངོན་སུམ་གསལ།། འདོད་པའི་སྐབས་བྲལ་གང་མཐོང་ཚོར།། རང་བཞག་ཡེ་ཤེས་རྫོགས་པ
293a2 མཐོང་།། བཙལ་མེད་རང་བྱུང་རྡོ་རྗེའི་བདག། སྐྱེ་མེད་རྡོ་རྗེ་མི་འགྱུར་འཆང་།། ལྷུན་གྲུབ་རིན་ཆེན་འབར་བའི་འོད།། དྲི་མེད་པདྨ་རང་བྱུང་བདག། རྩོལ་མེད་ལམ་གྱི་འཛིན་དང་བྲལ།། རིན་ཆེན་འཁོར་ལོ་འབར
293a3 བའི་སྐུ།། དུས་གསུམ་ཉིད་དུ་འདའ་བ་མེད།། ཅེས་གསུངས་སོ།། བྱང་ཆུབ་ཀྱི་སེམས་ཡེ་ཤེས་རྫོགས་པའི་རྒྱུད་ལས། ཏིང་ངེ་འཛིན་ཡེ་ཤེས་སུ་བསྟན་པའི་ལེའུ་སྟེ་བཞི་པའོ།། །། དེ་ནས་རིག་པའི་རྒྱལ་པོས།།
293a4 ཡང་སེམས་ཉིད་ཕུན་སུམ་ཚོགས་པའི་དོན་གསལ་བར་བྱ་བའི་ཆེད་དུ་གསུངས་པ། རང་བྱུང་རྣམ་དག་ཡེ་ཤེས་སྐུ།། བརྗོད་མེད་རིག་པའི་བསྟན་པ་བཀྲོལ།། རང་སྣང་རིག་པའི་སྨིན་པའི་འཁོར།། ཡེ་ཤེས་རྫོགས
293a5 པའི་རོལ་པར་ཤར།། རང་བྱུང་འོད་གསལ་གཅིག་ལ་རྫོགས།། རྩོལ་བཅས་དམན་པའི་དུས་འཁོར་ལོ།། བློ་དང་མཐུན་པར་བསྟན་པ་བསྒྲགས།། ཞེས་གསུངས་པ་དང་། དེ་ནས་སེམས་དཔའ་རྡོ་རྗེས་འདི་སྐད་ཅེས
293a6 ཞུས་སོ།། ཡེ་ཤེས་ཀུན་བཟང་སྟོན་པའི་ཐུགས།། དབྱེར་མེད་རང་བྱུང་ངོ་བོ་ཉིད།། བདེ་ཆེན་ལྷུན་གྲུབ་ཆོས་ཀྱི་དབྱིངས།། རྣམ་རྟོག་ཕྱི་ནང་ཇི་སྙེད་པ།། རང་བྱུང་གསང་བའི་དོན་ལ་འདུས།། རྣམ་རྟོག་རྫོགས་པ་དེ།
iiif viewer powered by OpenSeadragon
