| e-texts navigator |
| Wylie |
292a1 སེམས་དཔའ་རྡོ་རྗེ་ལ་བཀའ་སྩལ་པ། རང་བྱུང་རྫོགས་པའི་ལྟ་བའི་ཀློང་།། མཉམ་ཉིད་རིག་པའི་ཡེ་ཤེས་སེམས།། སྣང་བ་ཡེ་ཤེས་རྫོགས་པ་ཉིད།། ནམ་མཁའི་རྡོ་རྗེ་བལྟ་བའི་མཆོག། བལྟ་མེད་རང
292a2 བྱུང་སེམས་ལ་བལྟ།། བཙལ་མེད་རིག་པའི་རྣལ་འབྱོར་ཡིན།། འཇུག་པ་གཉིས་མེད་རིག་པའི་ཀློང་།། ཡེ་ཤེས་མཁའ་མཉམ་སྒྲ་དོན་མེད།། རང་གསལ་ཡུལ་ལ་མེད་རྟོགས་པས།། ཡེ་ཤེས་ཐིག་ལེའི་ཉི་མ
292a3 ཤར།། སྣང་མེད་མ་འགགས་ཅིར་མི་དགོངས།། སྣང་བ་རིག་པའི་ཐིག་ལེ་བསྡུས།། སྡུག་བསྔལ་བདེ་བའི་ངང་དུ་གནས།། རེ་འདོད་ཀུན་བྲལ་ཐོབ་སྤང་མེད།། རང་བྱུང་བདེ་བའི་སེམས་ཉིད་ལ།། སྣང་བ་ཉིད་དུ
292a4 གྲུབ་མ་ཡིན།། བདེ་ཆེན་རིག་པ་མཚོ་ལྟར་ཟབ།། ཡེ་ཤེས་རོལ་པ་མཁའ་དང་མཉམ།། དངོས་གྲུབ་རིན་ཆེན་འོད་ལྟར་འབྱུང་།། ཞེས་གསུངས་སོ།། བྱང་ཆུབ་ཀྱི་སེམས་ཡེ་ཤེས་རྫོགས་པའི་རྒྱུད་ལས། ལྟ་བ་བསྟན
292a5 པའི་ལེའུ་སྟེ་གསུམ་པའོ།། །། དེ་ནས་རིག་པའི་རྒྱལ་པོས་རང་བཞག་རིག་པའི་དོན་གསུངས་པ། རིག་པའི་སེམས་ཉིད་སྣང་མེད་ལ།། ཏིང་འཛིན་མི་གཡོ་འཇུག་པ་མེད།། རྩོལ་མེད་རིག་པ་བསམ་དང
292a6 བྲལ།། ཡེ་ཤེས་རྫོགས་པའི་འཁོར་ལོ་ལ།། ཐིག་ལེ་བདེ་ཆེན་བསམ་མི་ཁྱབ།། རོལ་པ་བདེ་ལྡན་ཆུ་རླབས་བཞིན།། ཡེ་ཤེས་ཇི་བཞིན་མི་བསྐྱོད་པའོ།། ཡེ་ནས་ཡིན་ཕྱིར་བྱ་མི་དགོས།། ཡེ་ཤེས་གསལ་བའི་ཕྱག་རྒྱ
iiif viewer powered by OpenSeadragon
