| e-texts navigator |
| Wylie |
291b1 དང་།། ཐུགས་ཀྱི་དགོངས་པ་ངེས་པའི་དོན།། གདུལ་བྱ་རབ་འབྲིང་དོན་དུ་བཤད།། ངེས་པའི་སྙིང་པོ་གསང་བ་ཉིད།། དྲང་བའི་དོན་མིན་རང་བྱུང་བཤད།། ཆོས་སྐུ་རང་བྱུང་སྟོན་པའི་མཆོག། དེ་འདུས་འཁོར་དང
291b2 བསྟན་པ་དག། ཉིད་ལས་མི་གཞན་རང་བྱུང་ཉིད།། རིག་པ་མཆོག་གི་སྦྱོར་བ་ལ།། སོ་སོ་མ་ཡིན་བརྗོད་བྱ་གཅིག། ཐ་སྙད་ལམ་གྱི་སྒྲོན་མ་གང་།། ཀུན་བཟང་རིག་པའི་གཏེར་དོན་བསྟན།། བརྗོད་པའི་དོན་མཚོན
291b3 དམན་པའི་སྐུ་ཡིས་སྟོན།། རང་བྱུང་རིག་པ་མཆོག་གི་སྐུ།། རང་བྱུང་མཆོག་གི་སྐུ་གསུམ་རྫོགས།། མ་བཅོས་རང་བྱུང་སྙིང་པོ་ལ།། འདོད་པའི་རྣམ་པ་གང་ཡང་མིན།། བསྒྲུབ་བྱ་མ་ལུས་ཀུན་གྱི་བདག། ཡེ་ཤེས་ཉི
291b4 མའི་བསྒྲུབ་པས་གསལ།། སྣང་བ་མ་ལུས་རང་བྱུང་སེམས།། རིག་པ་མཆོག་ལྡན་བདེ་གཤེགས་བཀའ།། རང་བྱུང་ཚད་མ་མངོན་སུམ་གསལ།། འཁོར་བའི་རྟོག་པའི་གཅོང་རྙིང་དག། ཡེ་ཤེས་རང་རིག་ཉིད་དུ
291b5 འབར།། སྤྱི་བླུགས་ཚངས་པའི་ཐབས་ཀྱིས་གསལ།། གསང་བའི་དོན་མྱོང་འོད་གསལ་ལུང་།། གཟེར་ཆེན་མན་ངག་ཐེག་པའི་སྐས།། རིག་པའི་བརྡ་མཇལ་ཚེགས་དང་བྲལ།། མངོན་སུམ་ཡེ་ཤེས་གསལ་བ
291b6 ཡི།། རྗེས་སུ་རང་གཞག་ཡེ་ནས་སྤགས།། ཞེས་གསུངས་སོ།། བྱང་ཆུབ་ཀྱི་སེམས་ཡེ་ཤེས་རྫོགས་པའི་རྒྱུད་ལས། འཁོར་བ་ཡེ་ཤེས་སུ་བསྟན་པའི་ལེའུ་སྟེ་གཉིས་པའོ།། །། དེ་ནས་རིག་པའི་རྒྱལ་པོས
iiif viewer powered by OpenSeadragon
