| e-texts navigator |
| Wylie |
290b1 ཅིར་ཡང་མཐོང་།། མེ་ལོང་དངས་པའི་བརྙན་མ་ལྟར།། རྡོ་རྗེ་གསང་བའི་གདམས་པ་ཡིས།། རིག་པའི་ཡེ་ཤེས་ཀུན་ཏུ་བཟང་།། ཡི་གེ་མེད་པའི་དོན་དུ་མཐོང་།། རང་གསལ་རྗེས་སུ་རང་བཞག་ན།། ཡེ་ཤེས་རྫོགས
290b2 པ་རྗེས་སུ་དཔགས།། རང་རིག་འབྲེལ་བ་ཉིད་ལ་གསལ།། ཡེ་གསལ་རིག་པའི་འཁོར་ལོ་ལ།། འདོད་པའི་བློ་ཡིས་གང་རྩོལ་བ།། རང་འདོད་ཐེག་པའི་ཁྱད་པར་ནི།། གསང་བའི་དོན་ལ་མ་ལུས་སྟོང་།། འདོད་པའི
290b3 སྟོབས་ཀྱིས་འཕངས་ནས་རྩོལ།། རང་གསལ་འཁོར་ལོའི་དོན་ལ་འགལ།། འདོད་རྒྱས་གསལ་བའི་ཡེ་ཤེས་ཀྱང་།། རྩོལ་བ་ཉིད་ལ་འདའ་བ་མེད།། རྫོགས་པའི་ཡེ་ཤེས་བདེ་ཆེན་ནི།། རང་བཞག་རིག་པའི་འཁོར
290b4 ལོས་དག། རྣམ་དག་རང་བྱུང་འོད་གསལ་བ།། གློ་བུར་སྒྲིབ་པ་ངང་གིས་མེད།། རང་བཞིན་མ་ཡིན་རྐྱེན་གྱིས་སྣང་།། རང་བཞིན་ངོ་བོ་གང་དག་ནི།། གློ་བུར་རྐྱེན་ལ་རག་ལས་མིན།། རང་གསལ་རིག་པའི་རང
290b5 བཞིན་དང་།། འཁོར་བའི་རྟོག་པ་རང་བཞིན་གཅིག། གང་ཡང་སྤང་བྱ་མ་ཡིན་ཏེ།། གང་གི་རྣམ་པ་དེ་གང་བཞིན།། དེ་བཞིན་འགྱུར་བ་དེ་ཉིད་དེ།། སེམས་ནི་ཇི་བཞིན་མཉམ་པ་ཉིད།། སངས་རྒྱས་ཐུགས་ཀྱི་རྣལ
290b6 འབྱོར་རོ།། ཡང་དག་ལམ་ལ་ཡི་གེ་མེད།། སྙིང་པོ་ཉིད་དུ་བདག་འཇུག་པས།། ཐོབ་པ་མེད་ཅིང་སྤང་བ་མེད།། རིག་པའི་ཐུགས་ལ་གསལ་བར་སྣང་།། བྱང་ཆུབ་སེམས་ཀྱི་ཡེ་ཤེས་ནི།། རྣམ་ཤེས་དམིགས་པའི་ཡུལ
iiif viewer powered by OpenSeadragon
