| e-texts navigator |
| Wylie |
290a1 སེམས་ཀྱིས་དཀྲུགས།། བསམ་མེད་རིག་པ་བརྗོད་མེད་འདི།། ཐ་སྙད་མིང་ལ་མི་གནས་ཏེ།། གདུལ་བྱ་དམན་པའི་སེམས་དག་ལ།། ཐ་སྙད་སྒྲ་ཡི་འཁོར་ལོས་བསྟན།། སྣང་སྲིད་སྣང་བ་སྣ་ཚོགས
290a2 པ།། སྐུ་གསུང་ཐུགས་ལས་མ་གཡོས་ཏེ།། དྲན་རྟོག་ཏིང་འཛིན་རིག་པའི་ཐུགས།། ནམ་མཁའ་ལྟ་བུར་མི་ཟད་པ།། བདེ་ཆེན་རིག་པ་སེམས་ཀྱི་རྒྱན།། རྣམ་པར་རྟོག་པའི་སྒྲོ་འདོགས་གཅོད།། འོད་གསལ་རིག་པའི
290a3 འཁོར་ལོ་ཡིན།། ལུས་ཅན་རྣམས་ཀྱི་སྒྲ་རྣམས་ནི།། སྔགས་ཀྱི་གསུང་དུ་གྲགས་པ་ཡིན།། སྣང་སྟོང་གཉིས་མེད་རིག་པའི་གསུང་། ཁ་དོག་དབྱིབས་སུ་གང་སྣང་བ།། སྐུ་མཆོག་རྒྱན་གྱི་འཁོར་ལོར་ཟབ།། རྡོ་རྗེ་ལྟ
290a4 བུར་དབྱེར་མེད་པ།། སེམས་ཀྱི་རང་བཞིན་ཀུན་ཏུ་བཟང་།། སྐུ་གསུང་རྫོགས་པའི་བདེ་བ་ཆེ།། བསམ་མེད་རང་བཞིན་ཉིད་ཀྱིས་གོ། རིམ་པ་མཆོག་ལྡན་ཀུན་ཏུ་བཟང་།། བཀའ་ཡི་འཁོར་ལོ་འབུམ་ཕྲག
290a5 ཡས།། ཏིང་འཛིན་མི་རྟོག་རང་བཞིན་གསལ།། རང་རིག་རྡོ་རྗེ་འགྱུར་མེད་ལུང་།། ཡེ་ཤེས་རྫོགས་པའི་ལུང་གིས་ནི།། ཐམས་ཅད་ཡེ་ཤེས་ངོ་བོར་གསལ།། ཞེན་པའི་སྒྲོ་སྐུར་མ་ལུས་པ།། ཡེ་ཤེས་རིག་པའི་འཁོར
290a6 ལོས་གཅོད།། རང་གསལ་རིག་པའི་སྣང་བ་ལ།། གང་ལྡན་གསལ་བའི་རིག་པས་མཐོང་།། ལྟ་བ་དེ་ཉིད་ཙམ་དུ་བཟང་།། རང་རིག་རྫོགས་པའི་ཡེ་ཤེས་ལ།། ངོ་བོ་གྲུབ་པ་གང་ཡང་མིན།། རྟོགས་པའི་མཐུ་ཡིས
iiif viewer powered by OpenSeadragon
