| e-texts navigator |
| Wylie |
28b1 མངོན་དུ་འབྱུང་བར་འགྱུར།། དེ་ལ་དེ་ལྟར་རིམ་བཞིན་ནོ།། དབྱེར་མེད་རང་བྱུང་འཁོར་ལོ་བསྐོར།། སྐུ་གསུམ་རང་གྲོལ་དགོངས་པ་འཆར།། ལྟ་བ་ཆོས་སྐུ་མི་མཐོང་སྟེ།། དེ་དགོངས་འཆར་བའི་གནད་མེད་ན།། ཟླ
28b2 བ་མཚོན་ནས་བསྟན་པ་བཞིན།། ཡུལ་ཅན་དག་ལས་མ་ཤར་རོ།། དེ་ལ་གནས་པ་ཨ་རེ་འཁྱམ།། རང་ཤར་ལྟ་བའི་གདེང་མི་རྙེད།། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ཐེག་པ་རྒྱ་མཚོ་ལ་ཟློ་དང
28b3 འོད་གསལ་གཏན་ལ་དབབ་པའི་ལེའུ་སྟེ་ཉེར་གསུམ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། དེ་ཡི་ཡོན་ཏན་བསྟན་པ་ནི།། འོད་གསལ་འཁོར་ལོ་བྱིན་རླབས་ཆེ།། ཐམས
28b4 ཅད་དབང་དུ་བསྡུ་བར་བྱེད།། འོད་ནི་བྱིན་དང་ལྡན་པ་ཡིན།། རླབས་ནི་རང་སྣང་འཁོར་ལོ་ཡིན།། སྐུ་གསུམ་ལམ་དུ་སློང་བས་ཆེ།། དམིགས་པ་མྱུར་ཏེ་གློག་དང་འདྲ།། ཟང་ཐལ་འགྲོ་ཏེ་ཐོག་དང་འདྲ།། རིག་པ
28b5 དར་དྲགས་འཁོར་ལོ་འདྲ།། དམིགས་པ་སྣ་རྣོ་སྤུ་གྲི་འདྲ།། འགྲུ་བ་ལྔ་དྲག་སྐར་མདའ་འདྲ།། འོད་གསལ་བྱིན་ཆེ་ཉི་མ་འདྲ།། དམིགས་པ་རྒྱ་ཆེ་ནམ་མཁའ་འདྲ།། དགོངས་པ་གཏིང་ཟབ་རྒྱ་མཚོ་འདྲ།། ཉམས་ལེན
28b6 བརྟན་དྲགས་གངས་རི་འདྲ།། དགོངས་པ་དོན་ཟབ་ཟ་འོག་གུར་ཁྱིམ་འདྲ།། སྐུ་གསུམ་ལམ་བདེ་ཉི་ཤར་འདྲ།། དེ་ལྟར་མ་རྟོགས་སྐྱོན་བསྟན་པ།། མ་རིག་མུན་ནག་འཐིབ་པ་འདྲ།། འགྱུ་བ་ཅེ་སྤྱང་ལག་པ
iiif viewer powered by OpenSeadragon
