| e-texts navigator |
| Wylie |
288b1 ཡིན།། བརྗོད་མེད་སེམས་ཀྱི་རང་བཞིན་ལ།། མ་བརྗོད་གོ་བར་མི་འགྱུར་བས།། བརྗོད་མེད་དོན་གྱིས་མཚོན་པར་བྱ།། ཀུན་བཟང་སེམས་ཉིད་རྣམ་པར་དག། མཚོན་བྱ་མཚོན་བྱེད་གང་ཡང་མིན།། བཙལ་མེད
288b2 རང་བཞག་ཉིད་ཀྱིས་མཚོན།། ཐ་མལ་སྣང་བའི་ཤེས་པ་དག། བཀའ་ཡི་ཤེས་པས་དྲངས་བྱས་ཏེ།། གཏང་འཛིན་མེད་པའི་ངང་ལ་གཞག། ཡིད་ལ་མི་བྱེད་བྱ་བ་གཏང་།། བློ་ཡིས་མ་དཔྱད་རང་བཞིན
288b3 གསལ།། འཛིན་པའི་རྒྱུ་འབྲས་གང་ཡང་མིན།། འབྲས་བུ་ཉིད་ཀྱིས་འབྲས་བུ་འགྲུབ།། རེ་འདོད་རྩོལ་བའི་མཐའ་རུ་འགྱུར།། འཛིན་མེད་རང་བཞིན་སྨན་ཆེན་གྱིས།། འཁོར་བའི་གཅོང་རྙིང་ཀུན་དང་བྲལ།། རྣམ
288b4 རྟོག་ཡེ་ཤེས་འོད་གསལ་ཉིད།། རང་གསལ་ཡེ་ཤེས་ཡེ་ནས་དག། རིན་ཆེན་དག་པའི་གླིང་བཞིན་དུ།། སེམས་ཀྱི་ཡེ་ཤེས་ཡེ་ནས་དག། རིམ་མེད་སེམས་ཀྱི་རང་བཞིན་ལ།། བགྲོད་པའི་ལམ་གྱིས་ཐོབ་པ
288b5 མེད།། རྣམ་གྲོལ་འབྲས་བུ་རང་བྱུང་ཉིད།། བགྲོད་མེད་རྣམ་གྲོལ་རྫོགས་པའི་ལམ།། གདོད་ནས་རྩོལ་མེད་ལྷུན་གྱིས་གྲུབ།། ཡེ་ཤེས་ཉི་མའི་སྙིང་པོ་ཤར།། མ་ལུས་ཐིག་ལེ་ཆེན་པོ་ཉིད།། གཟུང་འཛིན་གཉིས་མེད
288b6 མི་གཡོ་བ།། རྒྱུ་དང་འབྲས་བུར་རྟོག་འཛིན་ཅིང་།། མི་ཤེས་སྒྱུ་མའི་འཛིན་པས་བཅིངས།། སེམས་ཉིད་མཁའ་འདྲ་ལྟ་བའི་ཀློང་།། ཡེ་ཤེས་ཡངས་པ་བརྡལ་པ་ཆེ།། བླང་དོར་གཉིས་མེད་རྩོལ་བ་བྲལ།། བྱང་ཆུབ
iiif viewer powered by OpenSeadragon
