| e-texts navigator |
| Wylie |
287b1 མཐའ་མེད།། ཐུགས་རྗེ་རང་སྣང་ཕྱོགས་རིས་མེད།། བཏང་སྙོམས་ཆེན་པོ་ཀུན་ཏུ་བཟང་།། རིག་པ་མཆོག་གི་དཀྱིལ་འཁོར་ནས།། རྫོགས་པའི་ཡེ་ཤེས་ཐབས་ཆེན་གྱིས།། གསང་བའི་ཡེ་ཤེས་སྒོ་ཕྱེ་ནས།། དཔལ
287b2 གྱི་མགུར་ནས་གསུང་བསྒྲགས་པ།། འདས་པའི་འཁོར་ལ་གསལ་བར་གསུངས།། ཞེས་ཞུས་སོ།། དེ་ནས་རིག་པའི་རྒྱལ་པོས་རྡོ་རྗེ་སེམས་དཔའ་ལ་འདི་སྐད་ཅེས་བཀའ་སྩལ་ཏོ། ཡེ་ཤེས་རྫོགས་པའི་བདེ་བ
287b3 ཆེ།། མཐའ་ཡས་འགྲོ་བ་ཀུན་ལ་ལྡན།། རིག་པ་དབྱེར་མེད་ཀུན་ཏུ་བཟང་།། གང་ཡང་མ་ཡིན་རིག་པར་གསལ།། རྩོལ་བའི་སེམས་ལ་མངོན་སངས་རྒྱས།། རྒྱུ་འབྲས་གཉིས་མེད་འགྱུར་བ་བྲལ།། རྣམ་བྱང་ཤེས་པ
287b4 རང་གནས་པ།། བྱེད་པ་ཉིད་ཀྱིས་མཐོང་བར་གྱིས།། ཤེས་པའི་རྣམ་གྲངས་གང་སྐྱེས་ཀྱང་།། རྣམ་བྱང་ཉིད་ལས་གཞན་མ་ཡིན།། བསམ་ཀྱིས་མི་ཁྱབ་དུས་ན་ཤེས།། འཁོར་བའི་ཤེས་པ་གློ་བུར་བ།། རང་བཞིན་མ
287b5 ཡིན་རྐྱེན་གྱིས་སྣང་།། བརྗོད་པའི་བརྙན་མ་ཉིད་དང་མཚུངས།། རྣམ་པར་རྟོག་པའི་སེམས་ཉིད་ནི།། གང་ལྟར་བརྟགས་པ་བཞིན་དུ་མཐོང་།། དུ་མའི་རིགས་ཀྱི་རྟོག་པ་དག། སྒོ་རྣམས་ཀུན་ཏུ་རྒྱུ་བ་སྟེ།། མི་གཅིག
287b6 སྐར་ཁུང་དུ་མ་བཞིན།། དོན་གྱི་རྣམ་བྱང་དུ་མ་མིན།། རིག་པ་དབྱེར་མེད་དཀྱིལ་འཁོར་འདི།། མཐའ་བྲལ་ལྟ་བའི་དོན་ལྡན་གྱིས།། རང་གཞག་དགོངས་པས་གནས་པར་བྱ།། རང་བྱུང་ཐུགས་རྗེ་གཡོ་མེད
iiif viewer powered by OpenSeadragon
